Abhishek-Aishwarya Divorce: ऐश्वर्या राय-अभिषेक बच्चनचा होणार घटस्फोट? 'त्या' बर्थडे पार्टीत नेमकं काय घडलं?

Aishwarya Rai-Abhishek Bachchan Divorce Rumors : बॉलिवूडचे सर्वात लोकप्रिय कपल अभिषेक बच्चन आणि ऐश्वर्या राय यांचा घटस्फोट होणार असल्याच्या चर्चा तुफान रंगल्या आहेत. गेल्या काही दिवसांपासून सोशल मीडियावर घटस्फोटाच्या अफवांबाबत अनेक पोस्ट व्हायरल झाल्या आहेत. अशातच पुन्हा एकदा मोठी अपडेट समोर आल्यानं ऐश्वर्या-अभिषेकच्या घटस्फोटाच्या चर्चांना पुन्हा उधाण आलं आहे. दोघांमध्ये वैवाहीक जीवनात सर्वकाही आलबेल नसल्याचं बोललं जात आहे. यावर अभिषेकने प्रतिक्रिया देत म्हटलं होतं की, मी अजूनही विवाहीत आहे. तर ऐशर्याने घटस्फोटांच्या चर्चांवर अद्याप कोणतीही प्रतिक्रिया दिली नाहीय.