Urmila Kothare: अभिनेत्री उर्मिला कोठारेच्या भरधाव कारने दोघांना चिरडलं, एकाचा मृत्यू
Urmila Kothare Car Accident: अभिनेत्री उर्मिला कोठारेच्या कारचा मुंबईत अपघात झाला असून त्यामध्ये एका व्यक्तीचा मृत्यू झाला असून दुसरी व्यक्ती गंभीर जखमी झाली आहे.
ADVERTISEMENT
बातम्या हायलाइट
अभिनेत्री उर्मिला कोठारेच्या कारचा अपघात
अपघातात एका व्यक्तिचा मृत्यू
अपघातात अभिनेत्री उर्मिला कोठारेही जखमी
Urmila Kothare Car: मुंबई: प्रसिद्ध मराठी अभिनेत्री उर्मिला कोठारे हिच्या कारने रस्त्याच्या कडेला काम करणाऱ्या मेट्रोच्या दोन मजुरांना चिरडलं. ज्यामध्ये एका मजुराचा मृत्यू झाला असून दुसरा मजूर गंभीर जखमी असल्याचं समजतं आहे. तर या अपघातात अभिनेत्री उर्मिाल कोठारे ही देखील जखमी झाली आहे. काल (27 डिसेंबर) रात्री मुंबईतील कांदिवली परिसरातीस पोईसर मेट्रो स्थानकाजवळ तिच्या कारला अपघात झाला. (popular marathi actress urmila kothare speeding car crushed two people one died in mumbai)
चालकाचे कारवरील नियंत्रण सुटल्याने आणि कारचा वेग जास्त असल्याने हा भीषण अपघात झाल्याचं नुकतंच समोर आलं आहे. ज्या दोघांना उर्मिलाच्या कारने चिरडलं ते दोघेही मेट्रोचे कामगार होते.
हे ही वाचा>> Nanded : हॉर्न वाजवल्याचा राग, तरूणानं थेट फॉर्च्युनवर चढून हल्ला केला, गाडी चालवणाऱ्या डॉक्टरने थेट...
मिळालेल्या माहितीनुसार, उर्मिला शूटिंग आटोपून घरी परतत असताना हा अपघात झाला. कारचा वेग जास्त असल्याने चालकाला त्यावर नियंत्रण ठेवता आले नाही आणि त्यामुळे एका व्यक्तीला आपला जीव गमवावा लागला. तर आणखी एक कर्मचारी जखमी झाला आहे.
पोलिसांनी दाखल केला गुन्हा
मुंबईतील कांदिवली येथील पोईसर मेट्रो स्टेशनजवळ ही घटना घडली ज्यानंतर पोलिसांनी कार चालकावर गुन्हा दाखल केला असून तपास सुरू आहे. कारची धडक बसलेले मेट्रोचे दोन कर्मचारी रस्त्याच्या कडेला काम करत होते.
हे ही वाचा>> Satish Wagh Case : पतीला संपवणाऱ्या मोहिनी वाघ नेमकं का रडत होत्या? पश्चाताप की नाटक? VIDEO का व्हायरल...
उर्मिला कोठारेची कारकीर्द
उर्मिला कोठारे ही मराठी चित्रपटसृष्टीतील लोकप्रिय अभिनेत्री आहे. 2006 मध्ये प्रदर्शित झालेल्या 'शुभ मंगल सावधान' या मराठी चित्रपटातून तिने आपल्या करिअरची सुरुवात केली होती. त्यानंतर तिने अनेक चित्रपटांमध्ये काम केलं. ती छोट्या पडद्यावरही दिसली आहे. उर्मिलासह तिचा पती आदिनाथ कोठारे हा देखील सिनेविश्वातील मोठं नाव आहे. मराठीसोबतच त्याने अनेक हिंदी चित्रपटांमध्येही काम केलं आहे.
उर्मिलाने हिंदी सिनेमासाठीही काम केलं आहे. 2022 मध्ये सिद्धार्थ मल्होत्रा आणि अजय देवगण अभिनीत 'थँक गॉड' नावाचा चित्रपट प्रदर्शित झालेसा, ज्यामध्ये तिने सिद्धार्थच्या बहिणीची भूमिका साकारली होती. या चित्रपटात रकुल प्रीत सिंग आणि नोरा फतेही होत्या. उर्मिलाने तेलुगू चित्रपटांमध्येही काम केले आहे. 2013 मध्ये आलेल्या 'वेलकम ओबामा' या चित्रपटातून तिने तेलुगू चित्रपटसृष्टीतील प्रवासाला सुरुवात केली. हा एक कॉमेडी-ड्रामा चित्रपट होता, ज्यामध्ये उर्मिलाने मुख्य भूमिका साकारली होती.
हे वाचलं का?
