Jiah Khan Case: "जिया खानने चार-पाचवेळा आत्महत्या...", सूरज पांचोलीच्या आईने केला धक्कादायक खुलासा

लेहरनच्या मुलाखतीत जरीन यांनी म्हटलं की, जियाने चार ते पाच वेळा आत्महत्या करण्याचा प्रयत्न केला होता. यामुळे सूरजच्या वैयक्तीक आणि व्यावसायिक जीवनावर परिणाम झाला. आम्ही सर्व कठीण काळातून गेलो आहोत. जर तुम्ही खोटं बोलून एखाद्याचं आयुष्य खराब करत असाल, तर ते कर्ज म्हणून स्वीकारा, तुम्हाला त्याची परतफेड व्याजासहीत मिळेल, असं मला वाटतं. तो दोषी नव्हता. या प्रकरणाला दहा वर्ष लागले पण तो (सूरज) त्यातून बाहेर पडला. आता मी आनंदी आहे. मला याबाबत जास्त काही बोलायचं नाही. कारण या विषयावर बोलून माझी गरिमा छोटी करायची नाहीय. 

हे ही वाचा >> Ambadas Danve : सर्व्हेच्या नावाखाली जागा घेतल्या, पण काँग्रेसला डिपॉझिटही वाचवता आलं नाही, दानवे थेट बोलले

जिया खान आत्महत्या प्रकरण

3 जून 2013 ला जिया खानचा मृतदेह तिच्या आईच्या मुंबईच्या घरी आढळला होता. त्यानंतर सूरज पांचोलीला जिया खानला आत्महत्येस प्रवृत्त केल्याचा आरोपाखाली अटक करण्यात आली होती. जियाच्या सूसाईड नोटमध्ये सूरजवर गंभीर आरोप करण्यात आले होते. सीबीआयच्या विशेष न्यायालयाने संबंधीत प्रकरणात रितसर पुरावे न मिळाल्याने सूरजला जामीन दिला होता.

हे ही वाचा >> Gold Rate Today: सोन्याचे भाव पुन्हा कडाडले! मुंबईसह 'या' शहरांमधील गोल्ड रेट वाचून डोकंच धराल

जिया खानचं फिल्मी करिअर

जिया खानने वर्ष 2007 मध्ये 'निशब्द' चित्रपटाच्या माध्यमातून बॉलिवूडमध्ये पदार्पण केलं. त्यानंतर जियाने 2008 मध्ये गजिनी सिनेमात काम केलं. या चित्रपटात जिया आमिर खानसोबत झळकली होती. तसच तिने 2010 मध्ये हाऊसफुल्ल चित्रपटातही काम केलं होतं.