Vastu Tips: धुतलेले कपडे 'या' दिशेला वाळत टाकले की, खेळ खल्लास...

आता ही छोटी गोष्ट म्हणजे धुतलेले कपडे जर आपण चुकीच्या दिशेला वाळविण्यासाठी टाकले तर तुमचं प्रचंड नुकसान होऊ शकतं असं वास्तुशास्त्रात म्हटलं आहे. जाणून घेऊया त्याविषयी सविस्तरपणे.

हे ही वाचा>> Optical Illusion Test: बाई की पुरुष? फोटोत सर्वात आधी काय दिसलं? नीट उत्तर सांगा

कपडे धुतल्यानंतर ते योग्य दिशेने आणि योग्य वेळी वाळवावेत असे सांगितले आहे. असे म्हटले जाते की यासंबंधीचे नियम तोडल्याने घरात दारिद्र्य येतं.

कपडे नेमके कुठे सुकवायचे?

वास्तुशास्त्राचे तज्ज्ञ सांगतात की, कपडे सुकवण्याची दोरी नेहमी पश्चिमेकडून उत्तरेकडे बांधावी. उत्तरेकडून पूर्वेकडे बांधू नका.

कपडे धुतल्यानंतर ते उत्तर किंवा ईशान्य दिशेला वाळवण्याची चूक करू नका. घाणेरडे कपडे पूर्व-उत्तर म्हणजेच ईशान्य दिशेला ठेवू नयेत.

कपडे कोणत्या वेळी धुवावेत?

वास्तूनुसार नेहमी सकाळी किंवा दुपारी कपडे धुवावेत आणि त्या वेळी बाहेर सुकविण्यासाठी ठेवावेत. यामुळे कपड्यांमध्ये लपलेले जंतू आणि नकारात्मक ऊर्जा दोन्ही नष्ट होतात.

हे ही वाचा>> Cockroach In Kitchen: किचनमध्ये झुरळांचा सुळसुळाट! 'हा' सोपा उपाय करा, घरात एकही झुरळ दिसणार नाही 

रात्री कपडे सुकवण्याची चूक कधीही करू नका. यामुळे घरातील दारिद्र्य वाढतं आणि मन आणि आर्थिक बाबींवर वाईट परिणाम होतो तसेच घरातही वाद वाढतात.

या दिवशी कपडे धुवू नयेत

वास्तुशास्त्रानुसार गुरुवारी कपडे धुणे टाळावे. असे म्हणतात की, या दिवशी कपडे धुतल्याने आर्थिक नुकसान होते आणि व्यक्ती कर्जबाजारी बनतो.

सूर्यग्रहण किंवा चंद्रग्रहण असतानाही कपडे बाहेर धुवून वाळवू नयेत. काही कारणास्तव तुम्हाला कपडे धुवावे लागले तर ग्रहण संपल्यानंतरच ते बाहेर वाळविण्यासाठी टाका.