Ladki Bahin Yojana: सरकार वाढवणार लाडकी बहीण योजनेचे पैसे? महिलांना मिळणार 2100 रुपये?; पण...

सरकार त्यांनी दिलेलं वचन नक्कीच पूर्ण करेल, असं तज्ज्ञांचं म्हणणं आहे. परंतु, या योजनेची वाढीव रक्कम देण्याचं तगडं आव्हान सरकारपुढे असणार आहे. देशात सर्वात जास्त कर वसुली करण्यात महाराष्ट्र अव्वल स्थानावर आहे. त्यामुळे महायुती सरकार लाडकी बहीण योजनेच्या माध्यमातून महिलांना दरमहा 2100 रुपये देईल, अशी चर्चा राजकीय वर्तुळात रंगलीय.

शिंदे सरकारने लाडकी बहीण योजनेची घोषणा केल्यानंतर जवळपास 2.5 कोटी महिलांच्या खात्यात प्रत्येक महिन्याला 1500 रुपये जमा करण्यात आले. यासाठी सरकारने जवळपास 35 हजार कोटी रुपयांची तरतूद केलीय. परंतु, महायुतीने महिलांना 2100 रुपये देण्याचं वचन दिल्यानं सरकारला अतिरिक्त 600 रुपयांचा फंड जमा करण्याची आवश्यकता आहे.

हे ही वाचा >> Sanjay Raut : ...म्हणून शिंदेंना गृहमंत्रिपद हवं, संजय राऊतांनी व्यक्त केली मोठी शंका

रक्कम वाढवल्यावर सरकारवर वाढणार 

तज्ज्ञांच्या माहितीनुसार, जर महिलांच्या खात्यात जमा करणारी रक्कम वाढवली, तर सरकारला जवळपास 46 हजार कोटींची तरतूद करावी लागणार आहे. परंतु, सरकारला हे पैसे कुठून मिळणार आहेत आणि याची विकल्प काय आहेत? असा प्रश्न उपस्थित केला जात आहे.

हे ही वाचा >> 2nd December 2024 Gold Rate: आजच करा सोनं खरेदी! गोल्ड रेटमध्ये झाली मोठी घसरण, भाव वाचून आनंदच होईल

या विकल्पांचा होईल विचार

महाराष्ट्र देशातील सर्वात मोठा औद्योगिक प्रदेश आहे. सर्विस सेक्टर राज्याच्या आर्थिक उत्पन्नाचा सर्वात मोठा सोर्स आहे. मागील आर्थिक वर्षात राज्याचं एकूण महसूल जवळपास 4.50 लाख कोटी रुपये होतं. सर्विस सेंटर आणि इंडस्ट्रीज राज्याचे आर्थिक उत्पन्नाचे मुख्य स्त्रोत आहेत. येणाऱ्या काळात महसूल वाढवण्यासाठी सर्व्हिस टॅक्स किंवा सेल्स टॅक्समध्ये वाढ झाल्याचं पाहायला मिळू शकतं. तसच केंद्रातही एनडीएचं सरकार असल्यानं राज्याला आर्थिक निधी मिळू शकतो.