Bhau Kadam : अजितदादांना भाऊंची साथ... भाऊ कदम दिसणार अजितदादांच्या प्रचारात? म्हणाले, एकच वादा...

हे ही वाचा Rajesh Latkar : सतेज पाटलांवर नाराजी? मुख्यमंत्री शिंदेंचा फोेन आला? कोल्हापुरातील राड्यानंतर राजेश लाटकर पहिल्यांदा बोलले

"आज प्रसिद्ध मराठी अभिनेते श्री. भाऊ कदम यांनी माझी सदिच्छा भेट घेतली. यावेळी खा. श्री. सुनील तटकरे, श्री. सिध्दार्थ कांबळे आणि त्यांचे इतर सहकारी उपस्थित होते." अशा शब्दात अजित पवार यांनी स्वत: याबद्दलची माहिती आपल्या सोशल हॅण्डल्सवरुन शेअर केली आहे. त्यानंतर माध्यमांनी भाऊ कदम यांच्याशी संवाद साधला असता, भाऊ कदम अजित पवार यांच्या प्रचारात दिसणार आहे असं कळतंय. तसंच आपण अजून राष्ट्रवादीत प्रवेश केला नाही असं भाऊ कदम म्हणाले आहेत. त्यामुळे आता सयाजी शिंदे यांच्यानंतर भाऊ कदमही अजितदादांच्या प्रचारात दिसणार आहेत.

एकच वादा अजितदादा : भाऊ कदम
 

अजित पवार यांची मी सदिच्छा भेट घेतली. अजित पवार हे कलाकारांना मान देणारे आणि प्रश्न सोडवणारे नेते आहेत. त्यांनी कलाकारांच्या अनुदानाचा प्रश्न सोडवला. आम्हाला अनेक गोष्टी पुर्णत्वास न्यायच्या असतील तर ते आमचे चांगले मार्गदर्शक आहेत असं भाऊ कदम म्हणाले. तसंच पक्षप्रवेश करायला काही हरकरत नाही, पण माझे इतर कामं बाकी राहतील असं भाऊ कदम म्हणाले आहेत. तसंच अजित पवार हे सतत काम करत असतात, सकाळपासून रात्रीपर्यंत काम करण्याची त्यांची पद्धत अफलातून आहे, असाच नेता महाराष्ट्राला पुढे घेऊन जाईल म्हणून अजितदादा असं भाऊ कदम म्हणाले आहेत.