Devendra Fadnavis : "तो पुन्हा येतोय...!", मुख्यमंत्रीपदाच्या चर्चा सुरू असतानाच 'टीम देवेंद्र'कडून खास व्हिडीओ रिलीज

हे ही वाचा >> Ashok Chavan : "ज्यांनी ज्यांनी मला त्रास दिला, ते...", पृथ्वीराज चव्हाण, थोरात, पटोलेचं नाव घेत काय म्हणाले चव्हाण?

राज्यात झालेल्या 2019 च्या विधानसभा निवडणुकांनंतर मुख्यमंत्रीपदाचा शब्द पाळला नाही म्हणत उद्धव ठाकरे यांनी वेगळी भूमिका घेतली आणि काँग्रेस, राष्ट्रवादीसोबत आघाडी केली. त्यानंतर भाजप संकटात असल्याचं चित्र निर्माण झालं होतं. यादरम्यान देवेंद्र फडणवीस यांच्यावर पोलीस बदली घोटाळ्याचेही आरोप करण्यात आले होते. त्यानंतर त्यांची चौकशीही करण्यात आली होती. या सर्व गोष्टींचा उल्लेख या व्हिडीओमध्ये केलेला दिसतो आहे. 

तो पुन्हा येतोय...!

तुम्हा आम्हा सर्वांचा लाडका आपला देवाभाऊ,पुन्हा आपल्या सेवेत येतोय.@Dev_Fadnavis pic.twitter.com/nYmxpPnjG3

"तो पुन्हा येतोय...! तुम्हा आम्हा सर्वांचा लाडका आपला देवाभाऊ,पुन्हा आपल्या सेवेत येतोय." असं ट्विट करत एका कवितेच्या माध्यमातून हा व्हिडीओ शेअर करण्यात आला आहे. वापस आना पडता है या कवितेच्या माध्यमातून तो पुन्हा येतोय असं सूचक विधानही या पोस्टमध्ये करण्यात येतं आहे. 

हे ही वाचा >>Assembly Elections Result : मविआच्या आमदारांची संख्या घटली; पवार, राऊत, चतुर्वेदींच्या राज्यसभा खासदारकीचं काय होणार?

राज्यात लोकसभा निवडणुकीत भाजपला आणि महायुतीला मोठा पराभव स्वीकारावा लागला होता. त्यानंतर भाजप कार्यकर्त्यांना, नेत्यांना बळ देण्याचं काम देवेंद्र फडणवीस यांनी केलं. मागच्या काही दिवसांमध्ये भाजपने मोठी मेहनत घेतल्याचं पाहायला मिळालं. त्यामुळे या यशाचं श्रेय भाजपकडून देवेंद्र फडणवीस यांना दिलं जातंय. तसंच भाजपने मिळालेल्या आमदारांचा आकडाही मोठा आहे. त्यामुळे भाजपचाही फडणवीसांना मुख्यमंत्री करावं असा आग्रह असणार आहे. भाजपच्या केंद्रीय नेतृत्वाची भूमिका काय असणार हे सुद्धा पाहावं लागणार आहे. त्यामुळे अखेर काय निर्णय होणार आणि मुख्यमंत्री कोण होणार हे पाहणं महत्वाचं असणार आहे.