Eknath Shinde : "माझ्या समर्थनार्थ कुणीही...", मुख्यमंत्रीपदाच्या चर्चा सुरू असतानाच शिंदेंच्या ट्विटमुळे चर्चांना उधाण

मुख्यमंत्री शिंदे ट्विटमध्ये काय म्हणालेत?

हे ही वाचा >> Maharashtra Election Results : बुथपासून बड्या नेत्यापर्यंत, योग्य मॅनेजमेंट करुन भाजपला यश मिळवून देणारे शिवप्रकाश कोण?

"महायुतीच्या प्रचंड विजयानंतर राज्यात पुन्हा एकदा आपले सरकार स्थापन होणार आहे. महायुती म्हणून आपण एकत्रित निवडणूक लढवली आणि आजही एकत्रच आहोत. माझ्यावरील प्रेमापोटी काही मंडळींनी सर्वांना एकत्र जमण्याचे, मुंबईत येण्याचे आवाहन केले आहे. तुमच्या या प्रेमासाठी मी अत्यंत मनापासून ऋणी आहे. मात्र अशा पद्धतीने माझ्या समर्थनार्थ कुणीही  एकत्र येऊ नये, असे आवाहन मी करतो. पुन्हा एकदा माझी नम्र विनंती की शिवसेनेच्या कार्यकर्त्यांनी वर्षा निवासस्थान किंवा अन्य कुठेही एकत्र जमू नये. समर्थ आणि समृद्ध महाराष्ट्रासाठी महायुती भक्कम होती आहे आणि यापुढेही भक्कमच राहील."

शिवसेनेचा मुख्यमंत्रीपदासाठी दावा कायम असल्याचं बोललं जातं आहे. त्यासाठी वेगवेगळ्या पद्धतीनं दबावतंत्रांचाही वापर होऊ शकतो अशी शक्यता आहे. काल मुख्यमंत्री वैद्यकीय सहाय्यता निधीमुळे उपचार मिळालेले आणि आजारातून बरे झालेले शेकडो रुग्ण एकनाथ शिंदे पुन्हा मुख्यमंत्री व्हावेत यासाठी सिद्धिविनायक मंदिरात सामूहिक प्रार्थना करणार असल्याचीही माहिती समोर आली होती.  तसंच, मुंबई आणि ठाण्यात अनेक ठिकाणी लावलेले होर्डिंगही बरंच काही सांगून जात आहेत. त्यामध्ये मुख्यमंत्री एकनाथ शिंदेंच्या चेहऱ्यावरच महायुतीने राज्यात दणदणीत विजय मिळवला असं अप्रत्यक्षपणे म्हटलं जातं आहे. त्यामुळे शिवसैनिक मुख्यमंत्रीपदासाठी आग्रही आहेत हे आता लपून राहिलेलं नाही.

हे ही वाचा >>Assembly Election Results : पवार Vs पवार आणि ठाकरे Vs शिंदे, किती ठिकाणी लढले, किती आमदार पाडले? वाचा सविस्तर

राज्यात लोकसभा निवडणुकीत भाजपला आणि महायुतीला मोठा पराभव स्वीकारावा लागला होता. त्यानंतर भाजप कार्यकर्त्यांना, नेत्यांना बळ देण्याचं काम देवेंद्र फडणवीस यांनी केलं. मागच्या काही दिवसांमध्ये भाजपने मोठी मेहनत घेतल्याचं पाहायला मिळालं. त्यामुळे या यशाचं श्रेय भाजपकडून देवेंद्र फडणवीस यांना दिलं जातंय. तसंच भाजपने मिळालेल्या आमदारांचा आकडाही मोठा आहे. त्यामुळे भाजपचाही फडणवीसांना मुख्यमंत्री करावं असा आग्रह असणार आहे. भाजपच्या केंद्रीय नेतृत्वाची भूमिका काय असणार हे सुद्धा पाहावं लागणार आहे. त्यामुळे अखेर काय निर्णय होणार आणि मुख्यमंत्री कोण होणार हे पाहणं महत्वाचं असणार आहे.