Election 2024: तिकीट न मिळाल्याने श्रीनिवास वनगा 36 तासांपासून होते बेपत्ता! नेमकं घडलं तरी काय?

शिवसेना शिंदे गटाकडून तिकीट न मिळाल्याने पालघरचे आमदार श्रिनीवास वनगा बेपत्ता झाले होते. त्यानंतर पोलिसांनी त्यांचा तपास सुरु केला होता. पण पोलिसांना वनगा यांचा शोध घेता आला नाही. वनगा यांचे दोन्ही फोन बंद होते. वनगा गायब असल्याने त्यांच्या कुटुंबीयांना चिंता लागली होती. शिवसेनेत बंडाचा झेंडा फडकवून सत्तेत येणाऱ्या शिंदे गटात वनगा यांचा समावेश होता.

हे ही वाचा >>  ladki Bahin Yojana: महिलांनो! खरंच दिवाळी बोनसचे 5500 मिळणार होते? काय आहे नेमकं सत्य?

परंतु, विधानसभा निवडणुकीत तिकीट न मिळाल्याने वनगा यांनी शिंदे गटावर टीका केली आणि उद्धव ठाकरेंच्या शिवसेनेला सोडचिठ्ठी दिल्याबद्दल पश्चाताप व्यक्त केला. तिकीट न मिळाल्यानंतर नाराज झालेल्या वनगा यांनी माध्यमांशी संवाद साधत म्हटलं, "एकनाथ शिंदे यांना पाठिंबा दिला आणि त्यांच्या पक्षात सामील झालो, ही मोठी चूक झाली".

हे ही वाचा >> Congress Song : यंदा पंजा, यंदा पंजा... काँग्रेसचं प्रचारगीत, नाना पटोले मुख्यमंत्रीपदाचा चेहरा? का होतेय चर्चा?

शिवसेनेकडून 2019 मध्ये लढवली होती निवडणूक

श्रिनीवास वनगा दिवंगत भाजप खासदार चिंतामन वनगा यांचे पुत्र आहेत. 2019 च्या विधानसभा निवडणुकीत त्यांनी शिवसेनेकडून (अनुसूचित जमाती) प्रवर्गातून निवडणूक लढवली होती. या निवडणुकीत त्यांचा विजय झाला होता. शिवसेनेत उभी फुट पडल्यानंतर वनगा यांनी शिंदेंना पाठिंबा दिला होता. "माझ्या वडिलांपासून केलेलं प्रामाणिकपणाचं हेच फळ मिळतंय का..मला प्रत्येक वेळी डावललं. खासदारकीच्या वेळीही तसच केलं. तू निवडून येत नाही, असं मला सांगितलं. मी प्रामाणिकपणे थांबलो. पण प्रत्येक वेळी गावितला पुढं केलं. मतदारसंघात चांगलं काम केल्यानंतर संधी मिळते आणि अशाप्रकारे मला डावललं जातं, अशी प्रतिक्रिया वनगा यांनी माध्यमांशी बोलताना दिली होती.