Sharad Pawar : ...म्हणून मी भुजबळांना मुख्यमंत्री करणं टाळलं, पवारांचं खळबळजनक विधान, अजितदादांवरही निशाणा

Sharad Pawar on Chhagan Bhujbal : छगन भुजबळ हे वेगवेगळ्या कारणांमुळे गेल्या काही दिवसांपासून राज्याच्या राजकीय वर्तुळात चर्चेत आहेत. एकीकडे Manoj jarange यांच्याविरोधात दंड थोपटून मैदानात उतरलेले छगन भुजबळ हे मध्यंतरी काही काळ महायुतीमध्येही नाराज असल्याचं दिसलं होतं. त्यानंतर अलीकडेच त्यांनी ज्येष्ठ पत्रकार राजदीप सरदेसाई यांना दिलेल्या एका मुलाखतीवरुन ते सध्या चर्चेत आहेत. आपण ईडीच्या भीतीने भाजपसोबत गेल्याचं भुजबळ यांनी राजदीप सरदेसाई यांना एका पुस्तकासाठी दिलेल्या मुलाखतीत सांगितलं होतं. त्यानंतर आता शरद पवार यांनी लोकमतला दिलेल्या मुलाखतीत या सर्व गोष्टी खऱ्या आहेत असं म्हटलं आहे. तसंच शरद पवार यांनी 2004 साली घडलेल्या एका राजकीय घडामोडीवरही भाष्य केलं, ज्यामध्ये त्यांनी आपण भुजबळांना मुख्यमंत्रिपद न देण्याचं कारण सांगितलं.