Amravati : 22 दिवसांच्या बाळाला लोखंडी सळईने 65 चटके, श्वास घेता येत नव्हता म्हणून अंद्धश्रद्धेतून विचित्र प्रकार

हे ही वाचा >>इमॅजिकामध्ये पिकनिकला गेलेल्या 14 वर्षीय मुलाचा हृदयविकाराने मृत्यू

मिळालेल्या माहितीनुसार, ही घटना चिखलदरामध्ये असणाऱ्या सिमोरी गावात घडली. काल, 26 फेब्रुवारी रोजी, नवजात बाळाला श्वास घेण्यास त्रास होत होता. अंधश्रद्धेमुळे कुटुंबानं मुलाला डॉक्टरकडे नेण्याऐवजी त्याला गरम लोखंडी रॉडने चटके दिले. कुटुंबाला वाटलं, असं केल्यानं मूल बरं होईल, पण त्याची तब्बेत आणखीच बिघडली.

यानंतर, त्यांना परतवाडा उपजिल्हा रुग्णालयात दाखल करण्यात आलं, पण त्यांची प्रकृती गंभीर असल्याने त्यांना अमरावती रुग्णालयात पाठवण्यात आलं. डॉक्टरांचं म्हणणं आहे की, मुलाला जन्मजात हृदयविकाराचा त्रास असू शकतो. त्यामुळे त्याला श्वास घेण्यास त्रास होत होता. तर तज्ञांचं म्हणणं आहे की गरम लोखंडी रॉडनं चटके देण्याला कोणताही वैज्ञानिक आधार नाही, ते मुलांसाठी खूप धोकादायक ठरू शकतं. मुलाचा खरा आजार शोधण्यासाठी 2D इको चाचणी आवश्यक आहे, पण सध्या ही सुविधा रुग्णालयात उपलब्ध नाही.

हे ही वाचा >>PUNE: शिवशाही बसमध्ये तरुणीवर बलात्कार, वसंत मोरेंकडून डेपोत तोडफोड!

जर मुलाची प्रकृती बिघडली तर त्याला नागपूर मेडिकल कॉलेज हॉस्पिटलमध्ये रेफर केले जाऊ शकते. लोक म्हणतात की, आजही ग्रामीण भागात काही लोक पारंपारिक बनावट उपचार आणि जादूटोण्यावर विश्वास ठेवतात, ज्यामुळे निष्पाप लोकांचे जीवन धोक्यात येते.