Viral Video: जीव वाचवण्यासाठी कुत्र्याने पायाला घट्ट धरलं, पण तरुणाने गाठला क्रुरतेचा कळस!

व्हायरल झालेल्या व्हिडीओत पाहू शकता की, जीव वाचवण्यासाठी कुत्र्याने तरुणाच्या पायाला घट्ट धरण्याचा प्रयत्न केला. पण तरीही या निर्दयी तरुणाने कुत्र्याचा जीवाचा खेळ केला. नदीच्या पाण्याच्या प्रवाहात कुत्र्याला फेकल्यानंतर काही तरुणांनी हा व्हिडीओ काढला आणि मुक्या प्राण्याला इजा पोहोचवली. हा व्हिडीओ सोशल मीडियावर व्हायरल झाल्यानंतर प्राणी मित्रांनी या घटनेचा निषेध व्यक्त केला आहे.

हे ही वाचा >> Sanjay Raut: "लालबागचा राजा गुजरातला नेण्याचा...", अमित शहांच्या मुंबई दौऱ्यावरून राऊत कडाडले

इथे पाहा कुत्र्याचा धक्कादायक व्हिडीओ

एका यूजरने हा व्हिडीओ एक्सवर शेअर केल्यानंतर नेटकऱ्यांनी कुत्र्याच्या जीवाचा खेळ करणाऱ्यांना सुनावलं आहे. प्राण्यांना क्रुरपणे वागणूक देणाऱ्यांवर कठोर कारवाई झाली पाहिजे, अशा प्रतिक्रिया उमटू लागल्या आहेत. कुत्र्याचा जीव घेणाऱ्या आरोपीला अटक करण्याची मागणी एका यूजरने केली आहे. कुत्र्याचा मन हेलावून टाकणारा व्हिडीओ पाहून नेटकऱ्यांनी तीव्र संताप व्यक्त केला आहे.

हे ही वाचा >> Mahesh Landage: भाजप आमदार महेश लांडगे यांना जीवे मारण्याची धमकी, यामागचं कारण काय?

मुक्या प्राण्यांना क्रुरपणे वागणूक देणाऱ्यांना शिक्षा झाली पाहिजे, अशी मागणी प्राणि मित्र संघटनांकडून नेहमीच केली जाते. प्राण्यांवर क्रुरपणे हल्ला झाल्याचे अनेक व्हिडीओ समोर आले आहेत. पाळीव प्राण्यांना विनाकारण त्रास देऊन त्यांचा खेळ करणाऱ्यांना जेरबंद केलं पाहिजे, असा सूर सोशल मीडियावर उमटला आहे.