ख्यातनाम हिंदुस्तानी शास्त्रीय संगीत कलाकार पंडित प्रभाकर जनार्दन कारेकर यांचं निधन

ख्यातनाम हिंदुस्तानी शास्त्रीय संगीत कलाकार पंडित प्रभाकर जनार्दन कारेकर यांचं बुधवारी रात्री निधन झालं. वयाच्या 80 व्या वर्षी त्यांनी अखेरचा श्वास घेतला. त्यांचा मृतदेह अंत्यदर्शनासाठी गुरुवारी सकाळी त्यांच्या शिवाजी पार्क
येथील घरी ठेवण्यात येणार असून, सायंकाळी 5 वाजता त्यांच्यावर शिवाजी पार्क, दादर येथील स्मशानभूमीत अंत्यसंस्कार करण्यात येणार आहेत. 1944 मध्ये दैवज्ञ कुटुंबात जन्मलेले पंडित कारेकर हे 2022 पासून यकृताच्या आजाराने ग्रस्त होते. बुधवारी रात्री त्यांच्या राहत्या घरी त्यांची प्राणज्योत मालवली. त्यांच्या मागे तीन मुलं आणि सुना-नातवंडं असा परिवार आहे. (Renowned Hindustani classical music artist Pandit Prabhakar Janardan Karekar passes away)