Shahrukh Khan अंडररेटेड अभिनेता, मी त्याला खुन्याच्या रोलमध्ये...काय म्हणाले महेश मांजरेकर?

हे ही वाचा >>Walmik Karad जेलच्या ज्या बराकमध्ये आहे, तिथले CCTV बंद? दादासाहेब खिंडकर यांचे गंभीर आरोप

चित्रपट निर्माते-अभिनेते महेश मांजरेकर यांनी अलीकडेच दिलेल्या मुलाखतीत शाहरुखच्या कौतुकात अनेक गोष्टी सांगितल्या आहेत. दरम्यान, मांजरेकर यांनी शाहरूखला अजूनही इंडस्ट्रीतील सर्वात 'अंडररेटेड अभिनेता' म्हटलं आहे. मांजरेकर म्हणाले, 'एक अभिनेता आहे ज्याला अभिनेता म्हणून खूपच कमी लेखले जाते पण मला वाटते की तो एक अद्भुत कलाकार आहे.' तो शाहरुख खान आहे. एक अभिनेता म्हणून तो उत्कृष्ट आहे. तो कॅमेऱ्यासमोर खूप सहज दिसतो.

महेश मांजरेकर पुढे म्हणाले की, शाहरुख खानसाठी एका चित्रपटाची पटकथा तयार आहे, ज्यामध्ये त्यांना शाहरूखला हत्याऱ्याची भूमिका साकारताना पहायचंय. मांजरेकर म्हणाले 'एक खूप चांगला चित्रपट आहे, ज्यामध्ये मला त्याला खुन्याची भूमिका करताना पहायचं आहे.'

हे ही वाचा >>Dhananjay Munde : "धनंजय मुंडे उद्या राजीनामा देणार", फेसबूक पोस्टमुळे चर्चांना उधान

दरम्यान, शाहरुख खानने त्याच्या 30 वर्षांहून अधिक काळाच्या कारकिर्दीत असंख्य भूमिका साकारल्या आहेत. शाहरूख त्याच्या प्रत्येक चित्रपटात त्याच्या व्यक्तिरेखेवर प्रयोग करताना दिसला आहे. दुसरीकडे, महेश मांजरेकर हे एक वेगळ्या धाटणीचे चित्रपट निर्माते आहेत. त्यांनी संजय दत्तसोबत 'वास्तव' हा चित्रपट बनवला ज्यामध्ये 'खलनायक' संजय दत्तची एक वेगळी बाजू प्रेक्षकांना दिसली होती. त्यानंतर अलीकडेच त्याने सलमान खानसोबत 'अंतीम' सुद्धा बनवला होता. त्यामुळे ते जर शाहरूखसोबत चित्रपट करणार असतील, तर ती मेजवाणीच ठरेल.