राऊतांचा मुख्यमंत्र्यांवर घणाघात, ‘मुख्यमंत्र्यांनी उपटा-उपटी थांबवून…’

हे ही वाचा >> ‘आरक्षण देण्याची सरकारची मानसिकताच नाही’,राष्ट्रवादीच्या नेत्यानं स्पष्टच सांगितलं

संविधानाच्या चिंधड्या

खासदार संजय राऊत यांनी मनोज जरांगे पाटील यांच्या मराठा आंदोलनावरून राज्य सरकार आणि केंद्र सरकारवरही त्यांनी टीका केली आहे. गेल्या दहा वर्षात देशाच्या संविधानाच्या चिंधड्या उडवल्या असून त्याचे रक्षण करायचे असेल तर आगामी निवडणुकीतून हे चित्र बदलायचे असल्याचेही त्यांनी सांगितले.

हाहाकार माजवणारी घटना

मुख्यमंत्री एकनाथ शिंदे यांनी मनोज जरांगे पाटील यांना भेटून तात्काळ भेटले पाहिजे, मात्र मुख्यमंत्री गेल्या दोन दिवसांपासून शेतात गेले आहेत. तिथे जाऊन ते काही तरी उपटत आहेत. मात्र काय उपटत आहेत ते माहिती नाही. पण सध्या त्यांनी ती उपटाउपटी थांबवून त्यांनी जरांगे पाटील यांना भेटून तात्काळ हा प्रश्न सोडवला पाहिजे. कारण त्यांना भेटले नाही तर मुंबईमध्ये जी परिस्थिती निर्माण होईल हाहाकार माजवणारी असेल अशी शक्यताही त्यांनी वर्तवली आहे.

हे ही वाचा >> Maha Vikas Aghadi : रात्रीत फिरला डाव! एक कॉल अन् आंबेडकर झाले तयार

‘महाजन-खोतकर’ हे टपोरी

यावेळी संजय राऊत यांनी मुख्यमंत्र्यांवर टीका करताना मंत्री गिरीश महाजन आणि अर्जुन खोतकर यांच्यावरही निशाणा साधला आहे. महाजन आणि खोतकरांचे हे शिष्टमंडळ नसून ही दोन्ही मंडळी टपोरी असल्याची टीकाही त्यांनी केली आहे. कारण जरांगे पाटील यांना मराठा आरक्षणाच्या प्रश्नावर मंत्री गिरीश महाजन आणि आमदार अर्जुन खोतकर चर्चा करण्यासाठी गेले होते, त्यावरून त्यांनी त्यांच्यावर जोरदार निशाणा साधला आहे.