Vidhan Parishad Election : ठाकरेंचा अचानक मोठा निर्णय! उमेदवार घेतला मागे
Uddhav Thackeray on Vidhan Parishad Elections 2024 : विधान परिषद निवडणुकीच्या निमित्ताने महाविकास आघाडी आणि महायुतीमधील मित्रपक्षच आमने-सामने आले आहेत. काँग्रेससाठी ठाकरेंनी एका जागेवरील उमेदवार मागे घेतला आहे.
ADVERTISEMENT
बातम्या हायलाइट
महाराष्ट्र विधान परिषद निवडणूक २०२४
कोकण पदवीधर मतदारसंघ निवडणूक
किशोर जैन यांची उमेदवारी ठाकरेंनी घेतली मागे
Uddhav Thackeray Maha Vikas Aghadi : विधान परिषद निवडणुकीच्या निमित्ताने राज्यात महाविकास आघाडी आणि महायुतीमध्ये कुरबुरी होताना दिसत आहे. महाविकास आघाडीतील ठाकरेंची शिवसेना आणि काँग्रेस या निवडणुकीच्या निमित्ताने एकमेकांविरुद्ध उभी ठाकल्याचे स्थिती निर्माण झाली होती. मात्र, उद्धव ठाकरेंनी एका जागेवरून उमेदवार मागे घेतला आहे, तर काँग्रेसनेही एका मतदारसंघातून माघार घेतल्याने महाविकास आघाडीतील जागांबद्दलचा कलह शमल्याचे दिसत आहे. (Uddhav Thackeray has withdrawn the candidature of Shiv Sena candidate Kishore Jain from Konkan Graduate Constituency)
महाराष्ट्र विधान परिषदेच्या चार रिक्त जागांसाठी निवडणूक होत आहे. 26 जून रोजी मतदान होत असून, आज (12 जून) उमेदवार अर्ज मागे घेण्याचा शेवटचा दिवस आहे. महाविकास आघाडीतील ठाकरेंच्या शिवसेनेने चारही मतदारसंघातून उमेदवार दिले. तर काँग्रेसने कोकण पदवीधर आणि नाशिक शिक्षक मतदारसंघातून उमेदवार दिले होते.
विधान परिषदेच्या निवडणुकीत महाविकास आघाडी आणि महायुतीचे उमेदवार
कोकण पदवीधर मतदारसंघ
निरंजन डावखरे (भाजप)
किशोर जैन (शिवसेना उद्धव बाळासाहेब ठाकरे)
रमेश कीर (काँग्रेस)
संजय मोरे (शिवसेना)
अमित सरैय्या (राष्ट्रवादी काँग्रेस शरदचंद्र पवार)
हे वाचलं का?
ADVERTISEMENT
मुंबई पदवीधर मतदारसंघ
किरण शेलार (भाजप)
अनिल परब (शिवसेना उद्धव बाळासाहेब ठाकरे)
दिपक सावंत (शिवसेना)
हेही वाचा >> सुनेत्रा पवार खासदार होणार? राष्ट्रवादीत घडामोडींना वेग
मुंबई शिक्षक मतदारसंघ
शिवनाथ दराडे (भाजप)
ज. मो. अभ्यंकर (शिवसेना उद्धव बाळासाहेब ठाकरे)
शिवाजीराव नलावडे (राष्ट्रवादी काँग्रेस)
सुभाष मोरे (शिक्षक भारती)
ADVERTISEMENT
नाशिक शिक्षक मतदारसंघ
किशोर दराडे (शिवसेना )
महेंद्र भावसार (राष्ट्रवादी काँग्रेस )
संदीप गुळवे (शिवसेना उद्धव बाळासाहेब ठाकरे)
दिलीप पाटील (काँग्रेस)
ADVERTISEMENT
ठाकरेंच्या शिवसेनेने कोकण पदवीधरमधून उमेदवार घेतला मागे
उद्धव ठाकरे यांच्या शिवसेनेने चारही मतदारसंघासाठी उमेदवार जाहीर केले होते. त्यामुळे दोन मतदारसंघातून निवडणूक लढवण्यास इच्छुक असलेली काँग्रेस नाराज झाली होती. काँग्रेसने ठाकरेंना कोकण आणि नाशिकमधील उमेदवार मागे घेण्याची विनंती केली होती.
हेही वाचा >> "....तर पंतप्रधान मोदी 2 ते 3 लाख मतांनी हरले असते"
उद्धव ठाकरेंची शिवसेना माघार घेणार की नाही, याकडे सगळ्यांचे लक्ष होते. अखेर ठाकरेंनी कोकण पदवीधर मतदारसंघातील उमेदवार मागे घेतला आहे. किशोर जैन यांची उमेदवारी मागे घेण्यात आली असून, काँग्रेसने शिक्षक मतदारसंघातून दिलीप पाटील यांची उमेदवारी मागे घेतली आहे. त्यामुळे महाविकास आघाडीतील वाद तूर्तास तरी मिटल्याचे दिसत आहे.
दुसरीकडे महायुतीमध्येही जागावाटपावरून संघर्ष आहे. कोकण पदवीधर मतदारसंघातून संजय मोरे हे रिंगणात आहे. मुंबई पदवीधर मतदारसंघातून दीपक सावंत हे उमेदवार आहेत. त्यामुळे दोन्ही उमेदवार शिंदे मागे घेणार का? हेही महत्त्वाचे आहे.
ADVERTISEMENT