IAS अश्विनी भिडेंसोबत भेदभाव, वर्णद्वेषी वागणूक, ब्रिटिश एअरवेज प्रवासात काय घडलं?

प्रकरण काय?

अश्विनी भिडे यांनी एक्स या सोशल मीडियावर ट्विट करून ब्रिटिश एअरवेजने दिलेल्या वागणूकीबद्दल संताप व्यक्त केला आहे. ट्विटमध्ये त्या म्हणाल्या, तुम्ही लोकांची फसवणूक, भेदभाव किंवा वर्णद्वेष करता का? कुठलीही भरपाई न देता ओव्हरबुकिंग्सच्या खोट्या सबबी सांगून प्रिमियम इकोनॉमीचे तिकीट काढलेल्या प्रवाशाला ऐनवेळी इकोनॉमी सीटवरून प्रवास करायला लावला. ब्रिटिश एअरवेज अशीच वागते का? असा सवाल देखील अश्विनी भिडे यांनी उपस्थित केला होता.

हे ही वाचा : Lok Sabha 2024 : शाहांनी दिला स्पष्ट ‘मेसेज’! ४८ जागांसाठी १२ क्लस्टर, स्ट्रॅटजी काय?

माझ्याकडे प्रिमियम क्लासचं तिकीट असताना ब्रिटिश एअरवेजने ओव्हरबुकिंगच कारण दिले आणि मला इकोनॉमी क्लासमधून प्रवास करण्यास भाग पाडलं. त्यानंतर अश्विनी भिडे यांनी ब्रिटिश एअरवेजवर भेदभाव आणि वर्णद्वेश करत असल्याचा आरोप केला होता. तुम्ही डिजीसीएच्या नियमांच उल्लघन करता असे मी आतापर्यंत ऐकलं होतं आता जाणवलं देखील असल्याचा संताप भिडे यांनी व्यक्त केला.

इतकच नाही तर भिडे यांनी नागरी विमान वाहतूक महासंचालनालय आणि केंद्रिय नागरी विमान वाहतूक मंत्री ज्योतिरादित्य सिंधिया यांच्याकडे तक्रार केली आहे. दरम्यान भिडे यांच्या तक्रारीनंतर इतर प्रवाशांनी देखील एक्सवर ब्रिटिश एअरवेजमधून प्रवास करताना त्यांना आलेला अनुभव शेअऱ केला आहे.