Maharashtra Weather : मुंबई, पुणे,कोल्हापूरसह 'या' जिल्ह्यांमध्ये पाऊस घालणार धुमाकूळ!

दोन दिवस राज्यात पावसाचा जोर कमी झाला होता. गुरुवारीपासून म्हणजेच 1 ऑगस्टपासून महाराष्ट्रात पाऊस वाढणार असल्याचा अंदाज आहे. 

महाराष्ट्रात 31 जुलै रोजी कसे हवामान?

हवामान विभागाने मुंबई, ठाणे, पुणे, रायगड, रत्नागिरी, सातारा, तसेच विदर्भातील जवळपास सर्वच जिल्ह्यांमध्ये मुसळधार पावसाचा अंदाज वर्तवला आहे. हवामान विभागाकडून यलो अलर्ट जारी करण्यात आला आहे. पालघर, सिंधुदुर्ग आणि कोल्हापूर जिल्ह्यामध्ये काही ठिकाणी मुसळधार पाऊस होईल. 

1 ऑगस्टपासून महाराष्ट्रात पावसाचा जोर वाढणार

महाराष्ट्रात गुरुवारपासून पावसाचा जोर जास्त वाढणार आहे. मुंबई, कोकण, पश्चिम महाराष्ट्र आणि विदर्भात पावसाचा जोर अधिक असेल. मराठवाड्यातील काही जिल्ह्यांतही मुसळधार पाऊस होण्याचा अंदाज आहे.

हेही वाचा >> अमोल मिटकरींची गाडी फोडणाऱ्या मनसे कार्यकर्त्याचा मृत्यू! 

हवामान विभागाने पुणे, रायगड, रत्नागिरी, सातारा, कोल्हापूर या जिल्ह्यांना ऑरेंज अलर्ट दिला आहे. विदर्भातील सर्व जिल्ह्यांना यलो अलर्ट देण्यात आला असून, मुंबई, ठाणे आणि सिंधुदुर्ग जिल्ह्यातही मुसळधार पावसाचा अंदाज वर्तवण्यात आला आहे. 

पुणे, कोल्हापूरसह 'या' जिल्ह्यांना ऑरेंज अलर्ट

2 ऑगस्ट रोजी महाराष्ट्रातील पुणे, रायगड, रत्नागिरी, सिंधुदुर्ग, सातारा, कोल्हापूर, गोंदिया,गडचिरोली आणि चंद्रपूर या जिल्ह्यांमध्ये मुसळधार पावसाचा अंदाज वर्तवण्यात आला आहे. हवामान विभागाने या जिल्ह्यांसाठी ऑरेंज अलर्ट जारी केला आहे. 

हेही वाचा >> चित्रा वाघ यांची 'ऑडिओ क्लिप'.. विद्या चव्हाणही भिडल्या, नेमकं काय घडलं?

मुंबई, ठाणे, नाशिक, पालघर, मराठवाड्यातील जालना, परभणीसह काही जिल्ह्यांत आणि विदर्भातील जवळपास सर्वच जिल्ह्यांमध्ये मुसळधार पावसाचा अंदाज वर्तवण्यात आला आहे.