IIT बाबाकडे सापडला गांजा! पोलिसांनी अटक करताच म्हणाला 'महाकुंभचा प्रसाद', नेमकं घडलं तरी काय?

रुम तपासताना पोलिसांना मिळाला गांजा

हॉटेल रुमची तपासणी केल्यानंतर पोलिसांना गांजा सापडला. तसच पोलिसांनी त्या ठिकाणाहून काही अंमली पदार्थही जप्त केले. त्यानंतर पोलिसांनी आयआयटी बाबावर कारवाई केली. पोलीस या प्रकरणी तपास करत असून बाबाने आत्महत्येची धमकी का दिली, याचा शोधही घेत आहेत. तसच बाबाकडे सापडलेल्या अंमली पदार्थांच्या सोर्सचीही माहिती घेतली जात आहे. बाबाच्या विरुद्ध याआधी कोणते गुन्हे दाखल आहेत का, याचाही पोलीस तपास करत आहेत. 

हे ही वाचा >> अल्पवयीन गर्लफ्रेंडसोबत रोहित लिंगायतची हाय व्होल्टेज टॉवरला गळफास लावून आत्महत्या

याप्रकरणी अभय सिंग उर्फ आयआयटी बाबाने प्रतिक्रिया देत म्हटलं की, थोडा प्रसाद (गांजा) मिळालेला आहे. मी पोलिसांना म्हटलं की, या प्रसादावर केस कराल, तर महाकुंभमध्ये एवढे लोक पितात, सर्वांना अटक करा. भारतात तर ही समजून घेणारी गोष्ट आहे. दरम्यान, पोलिसांनी आयपीसीच्या विविध कलमांतर्गत आयआयटी बाबा विरोधात गुन्हा दाखल केला आहे. 

हे ही वाचा >> "घटना अंधारात कोपऱ्यात झाली नाही, त्या मुलीला...", पुणे बलात्कार प्रकरणावर सुप्रिया सुळेंचं खळबळजनक विधान!

प्रयागराज महाकुंभात अभय सिंग आयआयटी बाबाच्या नावानं खूप लोकप्रिय आहे. महाकुंभमध्ये आयआयटी बाबाने माध्यमांशी संवाद साधून अनेक खळबळजनक विधानं केली होती. भारत-पाकिस्तान सामन्याची भविष्यवाणी करत बाबाने म्हटलं होतं की, भारत पाकिस्तानविरोधात सामना जिंकणार नाही. परंतु, भारताने तो सामना जिंकला आणि नेटकऱ्यांनी सोशल मीडियावर बाबाला खूप ट्रोल केलं.