जरांगे पाटलांचा पुन्हा इशारा, ‘सगेसोयऱ्यांचा अध्यादेश आज द्या नाहीतर उद्या…’

57 लाख नोंदी सापडल्या

मराठा समाजाला आरक्षण देण्यासाठी आता सरकारकडे नोंदी सापडल्या असून 57 लाख नोंदी सापडल्याचेही त्यांनी सांगितले. यावेळी जरांगे पाटील यांनी सरकारला इशारा देत आमच्या जागा राखीव ठेऊन तुम्ही शासकीय भरती करा अशी सुचनाही त्यांनी यावेळी केली आहे.

हे ही वाचा >> राऊतांचा मुख्यमंत्र्यांवर घणाघात, ‘मुख्यमंत्र्यांनी उपटा-उपटी थांबवून…’

सगेसोयऱ्यांनाही प्रमाणपत्र द्या

राज्यातील मराठा समाजाच्या 54 लाख नाही तर 57 लाख नोंदी सापडल्या आहेत. त्यामुळे ज्या नोंदी सापडल्या आहेत, त्यांच्या सगेसोयऱ्यांनाही प्रमाणपत्र देण्याची मागणी करत त्यासाठी तुम्ही आजच अध्यादेश काढा अशी मागणीही त्यांनी यावेळी केली आहे.

दोन कोटी मराठ्यांना प्रमाणपत्र

एकाच नोंदीवर 5 जणांना प्रमाणपत्र मिळालं तर दोन कोटी मराठ्यांना ओबीसी प्रमाणपत्र मिळेल असं सांगत 54 लाख नोंदींच्या वंशावळी जोडायला काही काळ लागणार असल्याचंही त्यांनी यावेळी सांगतिल. त्यामुळे आता ज्यांच्या नोंदी मिळाल्या आहेत त्यांना प्रमाणपत्र मिळवायचे असेल तर त्यांनी अर्ज करणे गरजेच असून ती आपली जबाबदारी असंही मतही त्यांनी यावेळी व्यक्त केले.