Ladaki Bahin Yojana : मुख्यमंत्र्यांच्या लाडक्या बहिणींची लूट, कागदपत्रांसाठी पैसै घेतल्याचा व्हिडिओ व्हायरल

मध्यप्रदेश सरकारच्या लाडली बहना योजनेच्या धर्तीवर राज्यात मुख्यमंत्री लाडकी बहीण योजना सुरु करण्यात आली आहे. या योजनेला राज्यभरातून प्रतिसाद मिळतोय. या योजनेसाठी लागणाऱ्या कागदपत्राची जमवाजमव करण्यासाठी महिलांनी सरकारी कार्यालयात गर्दी करायला सुरुवात केली आहे. 

हे ही वाचा : तारीख ठरली! वसंत मोरे 'या' दिवशी ठाकरे गटात प्रवेश करणार

या दरम्यान अनेक कार्यालयात महिलांकडून पैसे उकळल्याचे प्रकार देखील समोर आले आहे. आता हिंगोली जिल्ह्यातील डोंगरकडा गावात देखील योजनेसाठी लागणारे कागदपत्रे देण्यासाठी सरकारी बाबू महिलांकडून पैसे उकळत असल्याचा प्रकार समोर आला आहे. 

डोंगरकडा आणि भाटेगाव  ग्रामपंचायतीत मुकुंद घनसावंत हे ग्रामसेवक म्हणून कार्यरत आहेत. या  घनसावंत यांच्याकडे जेव्हा गावातील महिला योजनेसाठी लागणाऱ्या कागदपत्राची पूर्तता करण्यासाठी कागदपत्रे मागतात, तेव्हा या महिलांकडून ग्रामसेवक एका कागदपत्रासाठी प्रत्येकी 50   आरोप गावातील ग्रामस्थांनी केला आहे. 

दरम्यान ग्रामसेवक महिलांकडून पैसे घेतानाचा व्हिडीओ देखील समोर आला आहे. या व्हिडीओत चक्क ग्रामसेवक महिलांकडून घेतलेले पैसे टेबल वर मोजतांना दिसतोय. हा व्हिडिओ व्हायरल होता सर्व स्तरातुन यां ग्रामसेवकावर  कारवाईची मागणी होऊ लागली आहे.