Pune Accident Accused : (ओमकार वाबळे, पुणे) पुण्यातील पोर्श कार अपघात प्रकरणात नवा ट्विस्ट समोर आला आहे. पुण्यापासून दिल्लीपर्यंत गाजत असलेल्या या प्रकरणात आता पोलीस आयुक्त अमितेश कुमार यांनी नवी माहिती दिली आहे. त्यामुळे अल्पवयीन मुलाच्या वडिलांनी केलेल्या दावा खोटा ठरला आहे. (The accused tried to change driver after porsche car accident)
ADVERTISEMENT
पुण्याचे पोलीस आयुक्त अमितेश कुमार यांनी पत्रकार परिषद घेऊन तपासात समोर आलेल्या गोष्टींबद्दल माहिती दिली.
पोलीस आयुक्त अमितेश कुमार म्हणाले की, "आम्ही घरातून बाहेर पडल्यापासून ते अपघात झाला तोपर्यंत आणि आरोपीला पोलीस ठाण्यात घेऊन जाईपर्यंतच्या प्रत्येक गोष्टीचा तपास केला आहे. प्रत्येक सीसीटीव्ही, प्रत्येक ठिकाणची कागदपत्रे जप्त करण्यात आले आहेत."
सुरक्षा रक्षकांच्या रजिस्टरमध्ये नोंद
अमितेश कुमार म्हणाले की, "तो ज्यावेळी घरातून बाहेर पडला, त्यावेळी त्याच्या घराच्या सुरक्षा रक्षकाच्या रजिस्टरमध्ये नोंद आहे की, ही गाडी ते मुले घेऊन बाहेर पडले आहेत. अशा पद्धतीने प्रत्येक गोष्टीचा तपास पोलीस करत आहेत. पुरावे गोळा करत आहेत. ही गाडी हाच मुलगा चालवत होता."
हेही वाचा >> "भाजप 370 जागा जिंकणं अवघड, 4 राज्यात बसू शकतो झटका"
"ही गोष्ट खरी आहे की, अपघात झाला त्यानंतर ड्रायव्हर बदलण्याचा प्रयत्न झाला होता. ही बाब आमच्या चौकशीमध्ये समोर आली आहे. म्हणून ज्याने अशा प्रकारे पुराव्यांमध्ये छेडछाड केली. त्याच्यावर आयपीसी २०१ कलमान्वये पुरावा नष्ट करण्याच्या आरोपाखाली कारवाई करण्यात येईल", अशी माहिती पोलीस आयुक्त अमितेश कुमार यांनी दिली.
हेही वाचा >> "फडणवीसांनी फोन केला अन्...', देशमुखांनी सांगितला ठाकरेंचं सरकार पडण्यापूर्वीचा किस्सा
"ज्यावेळी घटना घडली, त्यावेळी काही घटना दिसून येत आहे की, ड्रायव्हर बदलण्याची म्हणजे अल्पवयीन आरोपी गाडी चालवत नव्हता, तर दुसरा कुणीतरी गाडी चालवत होता, असे करण्याचे प्रयत्न झाला", असे ते म्हणाले आहेत.
पोलीस आयुक्त अमितेश कुमार यांच्या पत्रकार परिषदेतील महत्त्वाचे मुद्दे
- आधी ३०४ अ कलम लावलं होतं. त्यानंतर गुन्ह्याची गंभीरता पाहता ३०४ लावलं.
- आरोपीविरोधात आम्ही भक्कम केस तयार करत आहोत. त्याविरोधात पुरावे जमा करत आहोत. कोणी पुरावे नष्ट करण्याचा प्रयत्न केला का याचा देखील तपास करत आहोत.
- विशेष वकील नेमण्याची प्रक्रिया सुरु झाली आहे. दबाव आला, दिरंगाई झाली, असं म्हणणं योग्य नाही.
- सुरुवातीला ३०४ का लावलं नाही किंवा आरोपीला काही सुविधा पुरवण्यात आली यााबबत चौकशी सुरु आहे. सुविधा पुरवण्यात आली याबाबत काही तथ्य समोर आलं नाही.
- प्रत्यक्षदर्शीला कोणी धमकावलं असेल, तर त्या अधिकाऱ्यांवर देखील कारवाई करण्यात येईल.
- ब्लड रिपोर्ट मिळाला नाही. सुरुवातीला ब्लड सॅपल घेण्यात आलं आणि फॉरेन्सिकला पाठवलं होतं. त्यानंतर आणखी एक सॅपल घेतलं होतं. त्यानंतर फॉरेन्सिक सांगितलं की दोन्ही सँपलचा डीएनए एकच आहे का हे तपासण्यासाठी सांगितलं आहे.
ADVERTISEMENT
![follow whatsapp](/assets/icons/followWhatsApp.png)