पर्यटकांनी जीवाची मागितली भीक, त्यांना वाटलं Indian आर्मी...; काळीज पिळवटून टाकणारा VIDEO व्हायरल

महिला सैनिकांना पाहून घाबरल्या आणि त्यांच्या मुलाच्या जीवाची भीख मागू लागल्या. या महिलांनी सैनिकांनाही दहशतवादी समजत होत्या. त्यानंतर सैनिकांनी महिलांना सांगितलं की, आम्ही इंडियन आर्मी आहोत. तुमची सुटका करायला आलो आहोत. त्यावेळी महिलांना रडू कोसळलं आणि त्यांनी सैनिकांना सांगितलं, आमच्या डोळ्यासमोर पतीला गोळ्या झाडल्या.

'आम्ही इंडियन आर्मी आहोत, तुमच्या सेफ्टीसाठी आलोय'

दहशतवाद्यांनी हल्ला केल्यानंतर तातडीनं महिलांनी त्यांच्या मुलांना सोबत घेऊन रस्त्याने चालल्या होत्या. यावेळी महिलांना त्यांच्या समोर आर्मीच्या ड्रेसकोडमध्ये एक व्यक्ती दिसला. त्या सैनिकांना पाहून महिला घाबरल्या. त्यावेळी सैनिकांनी त्या महिलांना सांगितलं, आम्ही इंडियन आर्मी आहोत. तुमच्या सेफ्टीसाठी आलो आहोत. त्यानंतर महिला जोर जोरात रडू लागल्या. हा हल्ला सहा दहशतवाद्यांनी केला होता, अशी माहिती आहे. हे दहशतवादी पोलीस आणि आर्मीच्या ड्रेसकोडमध्ये होते. त्यामुळे महिला सैनिकांच्या खऱ्या बटालियनला पाहून घाबरल्या.

हे ही वाचा >> पहलगाममध्ये हल्ला करणाऱ्या दहशतवाद्यांनी बॅगमध्ये काय आणलेलं? समोर आली मोठी माहिती

सैनिकांनी मुलांना दिलं पाणी 

व्हिडीओत पाहू शकता की, सैनिकांनी महिलांना विश्वासात घेतलं. त्यानंतर घाबरलेल्या मुलांना पाणी दिलं. तसच त्यांच्यावर प्राथमिक उपचारही केले. व्हिडीओत पाहू शकता की, एक सैनिक टूरिस्टला म्हणतो, तुम्ही इथे बसा..कुठून आला आहात? महिला सांगते, आम्ही हैदराबादहून आलो आहोत. महिला आणि मुलं भीतीच्या छायेत असल्याचं या व्हिडीओत दिसत आहे. 

हे ही वाचा >> TRF: 'मोदी को जाके बताओ...', असं म्हणत पर्यटकांना ठार मारणारे नराधम कोणत्या संघटनेचे?