होम
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Baba Siddique Case Update : राष्ट्रवादीचे नेते बाबा सिद्दीकी यांच्या हत्याकांडात दररोज नवनवीन खुलासे समोर येत आहेत. त्यात आता मोठा पुरावा पोलिसांच्या हाती लागला आहे. पोलिसांना घटनास्थळापासून 250 मीटर अंतरावर एक बॅग सापडली आहे. या बॅगेतून पोलिसांच्या हाती ढीगभर पुरावे हाती लागले आहे. त्यामुळे या बॅगेतून पोलिसांना काय काय सापडलं आहे? हे जाणून घेऊयात. (baba siddique case update bag found 250 meters away from the crime scene what was in the bag read full artical)
ADVERTISEMENT
बाबा सिद्दीकी यांची ज्या ठिकाणी हत्या झाली होती. त्या ठिकाणापासून 250 मीटर अंतरावर पोलिसांना ही बॅग सापडली आहे. या बॅगेत पोलिसांना एक स्लिप सापडली आहे. ही स्लिप बाईक खरेदीची होती. ही बाईक त्यांना या घटनेतील सातवा आरोपी असलेल्या हरिश निशादने घेऊन दिल्याची माहिती समोर आली आहे.
निशादने बाईक खरेदीसाठी लोणकर बंधूकडून 60 हजार रूपयांची मागणी केली होती. पण लोणकर बंधूंनी त्यांना पुण्यातून 32 हजारात जुनी बाईक खरेदी करून दिली होती, अशी माहिती आता तपासातून समोर आली आहे. याच बाईकचा वापर शुटर बाबा सिद्दीकी यांच्या घराची आणि ऑफिसची रेकी करण्यासाठी करत होते. तसेच घटनेच्या काही दिवस अगोदर ते बाईकवरून पडले देखील होती. त्यामुळे त्या दिवशी त्यांनी बाईक न वापरता ऑटोरिक्षाने घटनास्थळी पोहोचून रेकी केली होती,अशी माहिती आता समोर आली आहे. तसेच शुटरने तब्बल 45 मिनिटे बाबा सिद्दीकींची वाट पाहिली होती. या दरम्यान शूटर बंगल्याची आणि घराची रेकी करत होते,अशी माहिती उघडकीस आली आहे.
हे ही वाचा : Baba Siddique : बाबा सिद्दीकींनंतर 'हा' अभिनेता बिश्नोई गँगच्या टार्गेटवर?
या बॅगेत एक तुर्की बनावटीचे 7.62 एमएम पिस्तूल सापडली आहे. ही पिस्तुल शिवा उर्फ शिवकुमारची असण्याची दाट शक्यता आहे. कारण शिवा सोबत असलेले धर्मराज कश्यप आणि गुरमेल सिंह यांना पोलिसांनी घटनास्थळी अटक केली होती. त्यामुळे त्यांच्या हातातल्या बंदूका पोलिसांनी त्याचवेळी ताब्यात घेतल्या होत्या. त्यात शिवकुमार हा पसार होण्यास यशस्वी ठरला होता. त्यामुळे बँगेत ठेवलेली बंदूक ही त्यांचीच असण्याची दाट शक्यता वर्तवण्यात येत आहे.त्याचसोबत ही बँग शिवाने पळताना इतक्या दुरवर फेकल्याची माहिती आहे.
या बँगेत शिवकुमारच आधार कार्ड सापडलं आहे. आणि बॅगेत काही शर्ट देखील आढळली आहेत. यावरून समजते की आरोपी सिद्दीकींवर गोळीबार केल्यानंतर कपडे बदलून पळ काढण्याच्या तयारीत होते. यामध्ये धर्मराज आणि गुरमेलला अपयश आले तर शिवा शर्ट बदलून पळ काढण्यात यशस्वी ठरला.
देश सोडण्याची झाली होती डिल
या घटनेतील आरोपी गुरमेल सिंहवर भारतात खुनाचा खटला सूरू आहे. त्यामुळे त्याला बनावट पासपोर्टवर देश सोडून दुसऱ्या देशात पळून जाण्यासाठी मदत केली जाईल, असे आश्वासन दिले होते. पण धर्मराजला घटनास्थळीच अटक झाल्याने दुसऱ्या देशात पळण्याचा प्लॅन फसला होती, अशी माहिती आता पोलीस तपासात समोर आली आहे.
ADVERTISEMENT
