प्रेम, अपहरण आणि गँगरेप… गर्लफ्रेंडच्या अब्रूचे मित्रांसोबत महिनाभर तोडले लचके

Gangrape case : फेसबुकवर ओळख झाली. संवाद वाढला आणि नंतर दोघे प्रेमात पडले. त्यानंतर तरुणाने गर्लफ्रेंडसोबत जे केले त्याने पूर्ण जिल्हाच हादरून गेलाय. भेटायला बोलावून तरुणाने मित्रांसह गर्लफ्रेंडवर सामूहिक बलात्कार केला. (A case of gang rape of a minor girl has come to light in Muzaffarpur, Bihar.)

बिहारमधील मुझफ्फरपूरमध्ये एका अल्पवयीन मुलीवर सामूहिक बलात्कार झाल्याची घटना समोर आली आहे. तरुणाने फेसबुकवर अल्पवयीन मुलीशी मैत्री केली. त्यानंतर दोघे जवळ येत गेले. तरुणाने भेटण्याच्या बहाण्याने गर्लफ्रेंडला बोलावून घेतले आणि नंतर ओलीस ठेवले.

वाचा >> Mumbai : डब्यात घुसला, जबरदस्ती अन् धावत्या ट्रेनमधून महिलेला दिलं ढकलून

त्यानंतर जे घडलं ते माणुसकीला काळीमा फासणार होतं. आरोपी प्रियकराने त्याच्या मित्रांसह अल्पवयीन मुलीवर सामूहिक बलात्कार केला. पोलिसांनी पीडितेची वैद्यकीय तपासण्या केल्या आहेत. तसेच कलम 164 अन्वये पीडितेचा जबाब न्यायालयात नोंदवण्यात आला आहे.

प्रियकरानेच आयुष्य केले उद्ध्वस्त

पीडित मुलीच्या आईने पोलिसांना दिलेल्या फिर्यादीत सांगितले की, माझी मुलगी एक महिन्यापासून बेपत्ता होती. पोलीस आणि आम्ही खूप शोध घेत होतो, पण तिचा कुठेही ठिकाणा सापडत नव्हता. सत्यानंदने तिचे अपहरण केले होते. अपहरणानंतर त्याने तिला जंगलात डांबून ठेवले. जंगलातच त्याने मित्रांसोबत अनेकवेळा तिच्यावर सामूहिक बलात्कार केला.

मित्रांसोबत अनेकवेळा केला गँगरेप

पीडितेच्या नातेवाईकांनी सांगितले की, ‘5 ऑगस्ट रोजी माझी मुलगी संधी पाहून जंगलातून पळून गेली. त्यानंतर एका दुचाकी मालकाला मदत मागितली आणि घरी आली. ही सगळी आपबीती तिने घरी आल्यावर सांगितली. पीडितेचं वय केवळ 13 वर्ष आहे. दोषींना कठोर शिक्षा व्हावी आणि माझ्या मुलीला न्याय मिळावा अशी आमची इच्छा आहे.’

वाचा >> पती-पत्नी और वो! Boss च्या पत्नीला कळलं आणि जीवच गेला; 5 जणांनी काय केलं?

त्याचवेळी पीडितेने सांगितले की, आरोपीने त्याच्या मित्रांसोबत मिळून तिच्यासोबत अनेकदा बलात्कार केला.

आरोपींना लवकरच अटक करण्यात येईल -पोलीस

याप्रकरणी एसएचओ विजय कुमार सिंह यांनी सांगितले की, पीडितेच्या वैद्यकीय तपासणीसोबतच कलम 164 अंतर्गत सोमवारी कोर्टात जबाब नोंदवण्यात आला आहे. चौकशीदरम्यान पीडितेने पोलिसांना सांगितले की, तिची सरैया येथील एका तरुणाशी फेसबुकवर मैत्री झाली होती. त्यानंतर नंबर घेऊन ते मोबाईलवर बोलायला लागले.

वाचा >> No Confidence Motion : राहुल गांधी पुन्हा खासदार, PM मोदींचं टेन्शन वाढणार?

तरुणाने नंतर तरुणीला भेटायला बोलावलं. भेटण्याच्या बहाण्याने तो तिला घरातून घेऊन गेला. तरुणीला डांबून ठेवत त्याने सहा मित्रांसह तिच्यावर बलात्कार केला. लवकरच आरोपींना अटक करण्यात येईल, असे पोलिसांनी सांगितले.