Amit Shah: अजित पवारांची कथित सिंचन घोटाळ्याची केस, शाहांच्या 'त्या' विधानाने मोठी खळबळ!

अमित शाह: तुम्ही शोध पत्रकारिता करतात. तुम्ही याचा शोध घ्या. मी तुम्हाला माझी प्रतिक्रिया देतोय.. एकही केस आम्ही बंद केलेली नाही. 

प्रश्न: सर, पण त्या पद्धतीने तुम्ही पाठपुरावा देखील तर केला नाही ना.. 

अमित शाह: आता असं आहे की, चार्जशीट ही कोर्टासमोर आहे. कोर्टाला आता केस चालवायची आहे. पाठपुरावा काय करायचा.. कोर्ट काय आमच्या म्हणण्यानुसार चालत नाही. 

प्रश्न: पण तपास यंत्रणा आता त्या जोशाने लढत नाही ना.. जेव्हा हे नेते विरोधात होते.. तेव्हा त्यांना समन्स वर समन्स पाठवले जात होते.. 

अमित शाह: असं आपण मानतात.. राहुल आणि सोनिया गांधी यांच्यावर ज्या केसेस आहेत त्या तरी कुठे सुरू आहेत. चिदंबरम साहेबांवर केस आहे ती तरी कुठे सुरू आहे? ते काय आमच्यामध्ये आले का? 

9 वर्ष झाले राहुल आणि सोनिया गांधींवर केस झालेली.. ती त्यांची कोणती ट्रस्ट होती.. नॅशनल हेराल्डवाली ट्रस्ट.. चिदंबरम साहेबांवर केस होऊन किती वर्ष झाली.. कोर्टात पडली आहे अजून.. आम्ही आमचं काम केलं आहे. 

तुम्ही म्हणत असाल तर या केसेस वेगाने चालवायला सांगू.. कोर्टाला विनंती करून. पण पुन्हा म्हटलं जाईल आम्ही दबाव आणतो. तुम्ही नागरिक म्हणून विनंती करा कोर्टाला..

हे ही वाचा>> "अमित शाह शिंदेंना म्हणाले, नाशिकमधून भुजबळच लढतील"

असं आहे की, सामान्य माणसांच्या केसेसही महत्त्वाच्या आहेत. आमच्या सोबत नाही आले त्यांच्या केसेसही याच स्पीडने चालू आहेत. पण गोष्टी सनसनाटी पद्धतीने पेश करणं आणि ते देखील निवडणुकीच्या वेळेस.. हे ठीक नाही. 

असं उत्तर अमित शाह यांनी यावेळी दिलं. त्यामुळे अजित पवार यांच्याविरोधात असलेली कोणतीही केस आपल्या सरकारने बंद केलेली नाही असं शाहांनी यावेळी सांगितलं. 

आता अमित शाह यांच्या या विधानाचा महाराष्ट्रातील राजकारणावर नेमका काय परिणाम होणार हे पाहणं महत्त्वाचं ठरणार आहे. पण अमित शाह यांच्या वक्तव्याचा विचार केल्यास अजित पवार यांच्यावर कायदेशीर बाबींची टांगती तलवार ही अद्यापही कायम आहे.