होम
राजकीय आखाडा
गुन्ह्यांची दुनिया
शहर-खबरबात
राशीभविष्य-धर्म
पैशाची बात
टॉपिक
Tips For SIP: मुंबई: सध्या, शेअर बाजार हा मोठा फंड निर्माण करण्यासाठी सर्वात मोठा प्लॅटफॉर्म आहे. पण, घसरत्या आणि वाढत्या शेअर बाजारामुळे अनिश्चितता बरीच वाढली आहे. गुंतवणूकदारांना त्यांचे पैसे बुडण्याची चिंता आहे. अशा परिस्थितीत, गुंतवणूकदार सुरक्षित आणि हमीदार प्लॅटफॉर्म शोधत आहेत. पण अनेकदा सुरक्षित आणि हमी असलेल्या योजनते तेवढा जास्त रिटर्न मिळत नाही. जेव्हा फंड मॅच्युअर होईल तेव्हा त्या पैशाचे मूल्य त्या काळातील चलनवाढीच्या दराच्या तुलनेत लक्षणीयरीत्या कमी होईल. अशा परिस्थितीत, गुंतवणूकदार अशा प्लॅटफॉर्मच्या शोधात आहेत जिथे कमी जोखीम घेऊन निवृत्तीपर्यंत मोठा फंड निर्माण करता येईल.
ADVERTISEMENT
30 वर्षांचा अभिजीत देखील असाच काहीसा विचार करत आहे. त्यांचा असा विश्वास आहे की जर आजपासून 30 वर्षांनी कोट्यवधींचा फंड तयार केला नाही तर त्या काळातील खर्च भागवणे आव्हानात्मक होईल. जर या खर्चाची योग्य व्यवस्था केली नाही तर म्हातारपण देखील वेदनादायक होईल. अशा परिस्थितीत, अभिजीत एसआयपी (Systematic Investment Plan) मध्ये पैसे गुंतवण्याचा विचार करत आहेत.
SIP साठी 3 सर्वात महत्वाच्या गोष्टी
- SIP साठी सर्वात महत्वाची गोष्ट म्हणजे सातत्य असणे.
- बाजारातील ज्या अनावश्यक गोष्टी आहेत त्याकडे दुर्लक्ष करणं
- दीर्घकाळ टिकून राहा.
आता अभिजीतला भेडसावणारी समस्या अशी आहे की, त्याच्याकडे SIP मधील फंडचे निरीक्षण करण्यासाठी, उत्तम परतावा देणाऱ्या फंडची तपासणी करण्यासाठी आणि नियमितपणे त्याच्या पोर्टफोलिओचा आढावा घेण्यासाठी वेळ नाही. तो एका खाजगी कंपनीत काम करतो. त्याला ते पैसे सर्वोत्तम फंड मॅनेजरकडे सोपवायचे आहेत. जेणेकरून त्याला उत्तम परतावा मिळेल. तर चला तर मग आम्ही तुम्हाला गेल्या 5 वर्षात उत्कृष्ट परतावा देणाऱ्या सर्वोत्तम फंड मॅनेजर्सबद्दल सांगणार आहोत. त्याविषयी जाणून घ्या.
SIP प्लॅन
- अभिजीतचे वय: 30 वर्षे
- गुंतवणुकीचा कालावधी: 30 वर्षे
- गुंतवणूक रक्कम: दरमहा 10,000 रुपये
- निवृत्तीनंतर तुम्हाला किती मिळेल: चला कॅलक्युलेशन करूया
2 कॅटेगरीमध्ये परताव्याचा अंदाज
- SIP मध्ये सरासरी परतावा: 12% म्हणजेच ₹3.50 कोटीचा फंड
- SIP मध्ये सरासरी सर्वाधिक परतावा: 14% ₹5.50 कोटींचा मोठा फंड
अभिजीतने इथे कोणतीही लॉटरी खेळलेली नाही. त्याने 30 वर्षांपासून शिस्तबद्ध पद्धतीने आपले पैसे गुंतवले आहेत. त्याने उत्तम परतावा देणारा असा फंड मॅनेजर शोधला. त्याने अनेक वेगवेगळ्या फंड हाऊसमध्ये पैसे गुंतवले आहेत. अभिजीतने हे सगळं कसं केलं? चला सगळं जाणून घेऊया...
अभिजीतने हे 3 उत्तम फंड निवडले
1- मिराए अॅसेट इमर्जिंग ब्लूचिप फंड (Mirae Asset Emerging Bluechip Fund)
- फंड मॅनेजर: नीलेश सुराणा
- श्रेणी: लार्ज आणि मिडकॅप (Large & Midcap)
- 5 वर्षांचा परतावा: 21-23%
का निवडला: लॉन्ग टर्ममध्ये मजबूत वाढ
2- आयसीआयसीआय प्रुडेन्शियल बॅलन्स्ड अॅडव्हान्टेज फंड (ICICI Prudential Balanced Advantage Fund)
- फंड मॅनेजर: शंकरन नरेन
- श्रेणी: Hybrid (Equity + Debt)
- 5 वर्षांचा परतावा: 11-13%
का निवडला: बाजारातील मंदीपासून संरक्षण करते.
3. पराग पारेख फ्लेक्सी कॅप फंड (Parag Parikh Flexi Cap Fund)
- फंड मॅनेजर: राजीव ठक्कर
- श्रेणी: फ्लेक्सिकॅप (Flexicap)
- 5 वर्षांचा परतावा: 18-20%
का निवडलं: भारतीय + अमेरिकन स्टॉकचा उत्कृष्ट समतोल.
ADVERTISEMENT
