होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Pune Lok Sabha Election 2024 : अमरावती, माढा पाठोपाठ आता पुण्यात भाजप उमेदवार बदलाची मागणी जोर धरू लागली आहे. पुण्यातून भाजपने मुरलीधर मोहोळ यांना उमेदवारी जाहीर केली होती. या उमेदवारीविरोधात आता भाजपचे माजी खासदार संजय काकडे (Sanjay Kakade) यांनी उघडपणे नाराजी व्यक्त केली आहे. तसेच मी इच्छुक होतो, आजही आहे आणि एबी फॉर्म भरला जात नाही, तिथपर्यंत मी इच्छुक असेन, असे संजय काकडे यांनी म्हटले आहे. त्यामुळे आता काकडेंच्या या भूमिकेवर पक्ष काय निर्णय घेते हे पाहणे महत्वाचे ठरणार आहे. (pune lok sabha election 2024 bjp cnadidate murlidhar mohol ex mp sanjay kakade)
ADVERTISEMENT
माजी खासदार संजय काकडे माध्यमांशी बोलत होते. यावेळी बोलताना काकडे म्हणाले की, मी इच्छुक होतो हे जग जाहीर होते. फायनल उमेदवार मीच होतो, पण आता उमेदवारी जाहीर झाली आहे. मी माझं दुखणं पक्षाला सागितले आहे. रडल्या शिवाय आता दुःख कळत नाही. रविंद्र चव्हाण यांना मी वस्तुस्थिती सागितली असल्याचे संजय काकडे यांनी सांगितले आहे.
हे ही वाचा : रश्मी बर्वेंचं जात प्रमाणपत्र रद्द, काँग्रेसचा दुसरा उमेदवार कोण?
दरम्यान बुधवारी भाजप नेते रविंद्र चव्हाण यांनी संजय काकडे यांची भेट घेतली होती. या भेटीत काकडे यांची मनधरणी करण्याचा प्रयत्न केला होता. मी माझी भूमिका सांगितली आहे. पुण्यातला सर्व्हे त्यांना सांगितला, तो जाहीर सांगता येत नसतो. पण मी उमेदवारीवर त्यांच्याकडे नाराजी व्यक्त केली आहे. पुण्यात कसे पुढे जावे अस सगळं सागितले असल्याचे संजय काकडे म्हणाले आहेत.
दरम्यान पक्षाच्या नेत्यांकडे मी माझी इच्छा व्यक्त केली आहे. तसेच नाव अधिकृत जाहीर होतात पण बी फॉर्म भरेपर्यंत मी इच्छुक आहे,असे संजय काकडे यांनी सांगितले आहे.
संजय काकडेंची फेसबूक पोस्ट जशीच्या तशी
राज्याचे मंत्री रवींद्र चव्हाण यांच्याकडे माझ्या वेदना व पुणे लोकसभेचे वास्तव मांडले. पुणे लोकसभा निवडणुकीच्या पार्श्वभूमीवर महाराष्ट्राचे सार्वजनिक बांधकाम मंत्री, भाजपाचे वरिष्ठ नेते आणि माझे मित्र माननीय श्री रवींद्र चव्हाण यांनी आज माझ्या निवासस्थानी माझी भेट घेतली.यावेळी मी माझ्या मनातील सर्व वेदना आणि माझ्या आयुष्यातील उमेदीची 10 वर्षे पक्षासाठी देऊन या काळात काय काय कामे केली हे त्यांना सविस्तराने सांगितले. तसेच, पुणे लोकसभा मतदार संघातील वास्तव स्थितीदेखील मी त्यांना सांगितली.
हे ही वाचा : "निवडणूक लढवायला पैसेच नाही', केंद्रीय अर्थमंत्र्यांनी भाजपचं तिकीट नाकारलं
मी त्यांना सांगितलेल्या माझ्या वेदना आणि पक्ष हिताच्या सर्व गोष्टी आमचे वरिष्ठ नेते, मार्गदर्शक व केंद्रीय गृहमंत्री आदरणीय श्री अमितभाई शाह आणि राज्याचे उपमुख्यमंत्री देवेंद्र फडणवीस जी यांच्यापर्यंत पोहोचवण्याचा विश्वास सार्वजनिक बांधकाम मंत्री श्री रवींद्र चव्हाण यांनी मला या भेटी दरम्यान दिला. पक्षाचे वरिष्ठ नेते मला योग्य तो न्याय देतील आणि पुणे शहरासाठी योग्य तो निर्णय करतील ही आशा आहे.
दरम्यान मुरलीधर मोहोळ यांच्या उमेदवारीला असलेला संजय काकडे यांचा विरोध भाजप आता कसा शमवते हे पाहणे महत्वाचे ठरणार आहे.
ADVERTISEMENT
