Ladki Bahin Yojana: लाडकी बहीण योजनेचे पैसे कधी मिळणार? 1500 की 2100? मुनगंटीवारांनी थेट सांगितलं

इंडियन एक्स्प्रेसला दिलेल्या मुलाखतीत भाजपचे नेते सुधीर मुनगंटीवार म्हणाले,  लाडकी बहीण योजनेच्या माध्यमातून महिलांना देण्यात येणाऱ्या पैशांमध्ये शंभर टक्के वाढ होईल. जर आम्ही 1500 रुपयांचे 2100 केले नाहीत, तर देशातील निवडणुकांमध्ये वेगळा मेसेज जाईल. आम्ही आमचं वचन पूर्ण केलं नाही, अशी चर्चा संपूर्ण देशात सुरु होईल. मी याबाबत मुख्यमंत्र्यांना पत्र लिहिणार आहे. आम्हाला हे वचन सत्यात उतरवायचं आहे. आम्ही जाहीरनाम्यात केलेल्या घोषणेला निश्चितपणे पूर्ण करू.

हे ही वाचा >> 3 December 2024 Gold Rate : खुशखबर! लगेच खरेदी करा सोनं, गोल्ड रेटमध्ये पुन्हा घसरण, मुंबईत आजचा भाव काय?

मुनगंटीवार पुढे म्हणाले, राज्यात लाडकी बहीण योजनेच्या माध्यमातून पात्र महिलांना 2100 रुपये देण्याचं वचन दिलं होतं. आता ही वाढवलेली रक्कम कधीपर्यंत दिली जाईल, हे सरकारला निश्चित करावं लागेल. जानेवारी की जुलै महिन्यात रक्कम वाढवली जाईल, याबाबत निर्णय घेतला जाईल. आम्ही भाऊबीजेपासून योजनेची सुरुवाती केली होती. 

हे ही वाचा >> Mumbai Weather Update: मुंबईच्या हवामानाने नागरिकांची वाढवली चिंता! आजचं तापमान वाचून हुडहुडीच भरेल

सरकारी तिजोरीवर किती रुपयांचा भार?

लाडकी बहीण योजनेमुळे सरकारी तिजोरीवर 45 हजार कोटी रुपयांचा भार आला आहे. जर अतिरिक्त 500 कोटी रुपये दिले, तर सरकारी तिजोरीवर किती भार येईल? या प्रश्नाचं उत्तर देताना मुनगंटीवार म्हणाले, ही रक्कम आमच्याकडून यावर देण्यात येणाऱ्या व्याज्यापेक्षाही कमी आहे. दरवर्षी आम्ही सातव्या वेतन आयोगात जेवढे खर्च करतो, हा खर्च लाडकी बहीण योजनेच्या खर्चापेक्षाही कमी आहे. महिलांना योजनेचा लाभ मिळत आहे, मग लोकं असे सवाल उपस्थित का करत आहेत.