Ladki Bahin Yojana : लाडकी बहीण योजनेत मोठी अपडेट, 'त्या' महिलांच्या खात्यात पैसे कधी जमा होणार?

मुख्यमंत्री माझी लाडकी बहिण योजनेसाठी 1 जुलैपासून अर्ज दाखल करण्यास सुरुवात झाली. यानंतर अनेक अटी, शर्थींची पूर्तता करत महिलांनी अर्ज दाखल केला. आता 15 ऑगस्टपासून अनेक महिलांच्या खात्यात पैसे जमा झाले. मात्र काही महिलांना तांत्रिक अडचणींमुळे अर्ज दाखल करता आले नाही. तर काही महिलांनी ऑगस्ट महिन्यात अर्ज दाखल केला. आता या महिल्यांच्या खात्यात कधी पैसे जमा होणार, ते जमा होणार की नाही? असे असंख्य प्रश्न महिलांना पडले आहेत. आता या सर्व प्रश्नांची उत्तरे उपमुख्यमंत्री देवेंद्र फडणवीसांनी दिली.

हे ही वाचा : Gold Price Today: अगं बाई, काय हे... केवढं महाग ते 'सोनं'! आजचा भाव बघितला का?

पुण्यात मुख्यमंत्री लाडकी बहीण योजनेच्या शुभारंभाचा कार्यक्रम शनिवारी पार पडला आहे. या कार्यक्रमात महायुती सरकारने योजनेबाबत मोठी माहिती दिली आहे. विरोधक आरोप करतात दोन-तीन महिने पैसे मिळणार, मग पैसे मिळणार नाही, पण मी तुम्हाला सांगतो, अजितदादांनी अर्थसंकल्पामध्ये मार्चपर्यंतची सगळी व्यवस्था केलेली आहे. तुम्ही आम्हाला पुन्हा आशीर्वाद दिला तर पुढच्या मार्चपर्यंतची व्यवस्था करणार असल्याचे देवेंद्र फडणवीसांनी सांगितले. 

दरम्यान 31 जुलैपर्यंतचे फॉर्म घेतले त्याचे पैसे आले आहेत. आता 31 ऑगस्टच्या फॉर्मची छाननी होईल, तेव्हा या महिलांना जुलै, ऑगस्ट आणि सप्टेंबरचे पैसे येतील. ही खटाखट योजना नाही तर फटाफट योजना आहे. थेट पैसे खात्यात जातात, असेही देवेंद्र फडणवीसांनी म्हटले.

'या' कारणामुळे फॉर्म रिजेक्ट

आम्ही योजनेची घोषणा केल्यानंतर तुमच्या सावत्र भावांच्या पोटात खूप दुखायला लागलं. मग सावत्र भावाने योजना बंद व्हावी म्हणून खूप प्रयत्न केले. पहिल्यांदा कोर्टात गेले. कोर्टाने त्यांना नाकारल्यानंतर जाणीवपूर्वक फॉर्म भरून घेतले आणि पुरूषांचे फोटो लावले. जेणेकरून महिलांना सांगता येईल, तुमचे अर्ज भरलेत,पण सरकारने ते स्विकारले नाहीत. काही ठिकाणी मोटरसायकल, तर काही ठिकाणी बागेचे फोटो लावले. जेणेकरून हे फॉर्म रिजेक्ट झाले पाहिजे आणि महिलांपर्यत पैसे पोहौचू नये असा आरोप फडणवीसांनी विरोधकांवर केला.