वयाच्या 61 व्या वर्षी भाजपचा 'हा' नेता करणार लग्न; कोणासोबत बांधणार लग्नगाठ, थक्क करणारी Love Story

मात्र, ही बाब केवळ लग्नाची नाही. तर ही कहाणी एकाकीपणा, समजूतदारपणा आणि आधाराच्या पायावर उभ्या असलेल्या नात्याची आहे. रिंकू मजुमदार या एक वरिष्ठ भाजप कार्यकर्त्या असून दिलीप घोष यांच्या होणाऱ्या पत्नी आहेत. रिंकू यांनी पक्षासाठी महिला मोर्चा, ओबीसी विंग आणि हातमाग क्षेत्रातील जबाबदाऱ्या सांभाळल्या आहेत.

नात्याची सुरूवात कशी झाली?

या प्रेमळ नात्याची सुरुवात एका राजकीय पराभवाने झाली. 2019 मध्ये लोकसभा निवडणुकीत पराभव झाल्यानंतर दिलीप घोष थोडे निराश झाले होते, तेव्हा रिंकूनेच त्यांना त्यांच्यासोबत येण्याची ऑफर दिली. त्या म्हणाल्या, "आपण दोघेही एकटे आहोत, आपण एकत्र पुढे का जाऊ नये?" सुरुवातीला घोष यांनी नकार दिला, पण त्याच्या आईची इच्छा आणि त्याच्या एकटेपणामुळे याबाबतीत त्यांनी विचार केला.

हे ही वाचा: राहुल गांधी अमेरिकेत गेले अन् महाराष्ट्र विधानसभा निवडणुकीवरून 'असं' काही बोलले की...

रिंकू यांच्यासोबत IPL मॅच बघण्यासाठी गेले दिलीप घोष 

रिंकू यांचा आधी घटस्फोट झाला असून आणि त्यांना एक मुलगा आहे जो IT क्षेत्रात काम करतो. अलिकडेच, दिलीप घोष, रिंकू आणि त्यांचे कुटुंब कोलकातामधील ईडन गार्डन्सवर KKR संघाचा सामना पाहण्यासाठी गेले होते. त्यानंतर त्यांच्या नात्याबद्दलच्या वेगवेगळ्या चर्चांना उधाण आलं.

मुलाचं लग्न व्हावं, अशी आईची इच्छा

सूत्रांकडून मिळालेल्या माहितीनुसार, आपल्या मुलाचं लग्न व्हावं आणि त्यांच्या नव्या नात्याला सुरूवात व्हावी, असं नेहमी दिलीप यांच्या आईला वाटायचं. जेव्हा दिलीप हे राज्यभर पक्षाचा प्रचार करत असतात तेव्हा त्याच्या आईला वाटत होते की दिलीप यांना कोणाच्यातरी पाठिंब्याची गरज आहे. या लग्नामुळे केवळ दिलीप आणि रिंकू यांनाच नाही तर त्यांच्या आईलाही आनंद होणार आहे.

हे ही वाचा: DCM Shinde VIDEO: 'राज-उद्धव ठाकरे एकत्र येणार..' एकनाथ शिंदेंनी माइकच झिडकारला, शिंदेंना एवढा राग का आला?

मी लग्न करू शकत नाही का?- दिलीप घोष

दिलीप घोष यांनी माध्यमांशी बोलताना म्हणाले, "मी लग्न करू शकत नाही का? लग्न करणे गुन्हा आहे का?" असं त्यांनी सरळ आणि थेट वक्तव्य केलेलं. यावेळी तृणमूल काँग्रेसचे नेते कुणाल घोष आणि देबांगशु यांनीही त्यांना शुभेच्छा दिल्या.