Ladki Bahin Yojana : लाडकी बहीण योजनेची संपली मुदत? महिलांनो, आता कसे मिळणार पैसे ?

खरं तर याआधी 30 सप्टेंबरपर्यंत अर्ज करण्याची शेवटची मुदत होती. ही मुदत संपल्याच्या आठवड्याभरानंतर सरकारने लाडकी बहीण योजनेत अर्ज भरण्याची मुदत 15 ऑक्टोबरपर्यंत वाढवली होती. अनेक महिलांना या योजनेत अर्ज करता आला नव्हता. त्यामुळे सरकारने 15 ऑक्टोबर 2024 पर्यंत रात्री 12 वाजेपर्यंत मुदतवाढ दिली होती. आता ही मुदत संपायला फक्त एकच दिवस उरला आहे. त्याआधीच महिलांना अर्ज करावा लागणार आहे.

हे ही वाचा : Atul Parchure Death : मराठी सिनेसृष्टीवर शोककळा! ज्येष्ठ अभिनेते अतुल परचुरे यांचे निधन

सुत्रांकडून मिळालेल्या माहितीनुसार, लाडकी बहीण योजनेची ही शेवटची मुदतवाढ असणार आहे. कारण आता लवकरच महाराष्ट्रातील विधानसभा निवडणुकीची घोषणा होऊन आचारसंहिता लागणार आहे. त्यामुळे सरकार पुन्हा मुदतवाढ देणार नाही आहे. राहिली गोष्ट योजनेच्या पैशाची तर जे अर्ज उद्यापर्यंत मंजूर होतील त्या महिलांच्या खात्यात पैसे जमा होणार आहे. बाकी इतर महिलांना या योजनेच्या निधीपासून वंचित राहावे लागणार आहे.  

सरकारने महिलांना दिल्या 'या' सूचना 

 "मुख्यमंत्री-माझी लाडकी बहीण" या योजनेचे अर्ज करण्यासाठी 15 ऑक्टोबर 2024 च्या रात्री बारा वाजेपर्यंत मुदतवाढ देण्यात आलेली आहे. मात्र, हे अर्ज फक्त अंगणवाडी सेविकांमार्फतच भरण्यात यावेत, अशी सूचना शासनाकडून प्राप्त झाली आहे. त्यामुळे, लाडक्या बहिणींना आता नव्याने अर्ज करण्याची संधी मिळाली आहे. पुढील 4 दिवसांत अर्ज करुन या योजनेचा लाभ घेता येईल. त्यामुळे ज्या महिलांनी अद्याप अर्ज भरले नाहीयेत, त्यांनी आताच अर्ज भरून घ्या. 

हे ही वाचा : ladki Bahin Yojana: खुशखबर! लाडक्या बहिणींना दिवाळीला मिळणार बोनस; थेट खात्यात जमा होतील 5500, फक्त...

दरम्यान  लाडकी बहीण योजनेचे अर्ज करण्यासाठी आधी 1 जुलै, 2024 ते 15 जुलै, 2024 पर्यंत मुदत दिली होती. परंतु त्यानंतर ती वाढवून 31 ऑगस्ट केली. त्यानंतर पुन्हा एकदा मुदत वाढवून 30 सप्टेंबर केली. आता तिसऱ्यांदा मुदत वाढवते 15 ऑक्टोंबर करण्यात आली आहे.