Ladki Bahin Yojana : डिसेंबरचे पैसे नोव्हेंबरचे देऊ, 1500 रुपयांवरच थांबणार नाही तर... एकनाथ शिंदेंचं मोठं वक्तव्य

हे ही वाचा >>CM Eknath Shinde : ...तर बाळासाहेबांनी थोबाड फोडलं असतं, अरविंद सावंतांच्या वक्तव्यावर मुख्यमंत्री शिंदे संतापले आणि थेट...

लाडकी बहीण योजना राज्यात चांगलीच चर्चेत आहे. एकीकडे राज्यातील महिलांकडून स्वागत केलं जातंय, तर दुसरीकडे या योजनेवर टीका सुद्धा होतेय. यावर बोलताना मुख्यमंत्री एकनाथ शिंदे यांनी आज मोठी माहिती दिली. लाडक्या बहि‍णींसाठी आम्ही तत्पर आहोत असं सांगताना एकनाथ शिंदे यांनी विरोधकांवरही निशाणा साधला. या योजनेच्या विरोधात काँग्रेससह मविआचे लोक कोर्टात गेले. मात्र आम्ही आमच्या लाडक्या बहि‍णींना फक्त 1500 रुपयांपर्यंत नाही तर, त्यामध्ये वाढ करू आणि आमच्या बहि‍णींना लखपती करू. 

हे ही वाचा >>CM Eknath Shinde : राज ठाकरेंना मी विचारलंही होतं, पण त्यांनी थेट... संवाद तुटला? दादर-माहिमचा मुद्दा तापला

एएनआयला दिलेल्या मुलाखतीत मुख्यमंत्री एकनाथ शिंदे यांनी विरोधकांवर हल्लाबोल केला. राजीव गांधी यांनीच सांगितलं होतं की, केंद्राने एक रुपया दिला तर शेवटी लोकांना 15 पैसे मिळतात. मात्र आता मोदींनी 1 रुपया दिल्यावर एकच रुपया मिळतो असं शिंदेंनी सांगितलं. आम्ही सर्व गाईडलाईन्स फॉलो करुन या योजनेची अंमलबजावणी करत आहोत. कोणीही मायेचा लाल आला तरी या योजनेला बंद करु शकत नाही असं शिंदेंनी सांगितलं. लाडकी बहीण योजानेमुळे विरोधक हादरले आहेत, त्यामुळे ते म्हणतायत की योजना बंद करु आणि आम्हाला तुरूंगात टाकू, मात्र अशा विरोधकांना लाडक्या बहिणी या निवडणुकीत त्यांना घरी बसवतील असा टोला शिंदेंनी लगावला आहे.