Ajit Pawar Vs Eknath Shinde : 'मी तर शपथ घेणार, त्यांचं काही...' अजितदादांचा टोला, शिंदे म्हणाले; 'दादांना सकाळी-संध्याकाळ...'

हे ही वाचा >>Devendra Fadnavis : मध्यप्रदेश, राजस्थानचा फॉर्म्युला महाराष्ट्रात का नाही चालला? फडणवीस पुन्हा येण्याची 10 कारणं

एकनाथ शिंदे, अजित पवार यांनी या पत्रकार परिषदेत बोलताना तुफान फटकेबाजी केल्याचं पाहायला मिळालं. एकनाथ शिंदे यांना तुम्ही तुम्ही आणि अजितदादा उपमुख्यमंत्रिपदाची शपथ घेणार का असा सवाल करण्यात आला. यावेळी एकनाथ शिंदे यांनी ते आज संध्याकाळपर्यंत स्पष्ट होईल असं सांगितलं. शिंदेंचं बोलणं सुरू असतानाच अजित पवार म्हणाले, "त्यांचं संध्याकाळपर्यंत स्पष्ट होईल, पण मी तर उद्या शपथ घेणार आहे." त्यावर एकनाथ शिंदे यांनीही परत टोला मारला. "अजितदादांना तर सकाळी आणि संध्याकाळीही शपथ घेण्याचा अनुभव आहे" असं म्हटल्यानं एकच हशा पिकला. 
 

हे ही वाचा >> Devendra Fadnavis : सगळ्यांच्या मनातल्या सगळ्याच गोष्टी पूर्ण करता येत नाही... पहिल्याच भाषणात काय म्हणाले फडणवीस?

एकूणच, महायुतीच्या या पत्रकार परिषदेतलं हे खेळीमेळीचं वातावरण पाहून अनेक दिवसांनंतर नाराजीच्या चर्चांना काही अंशी पूर्णविराम मिळाल्याचं म्हटलं जातंय. देवेंद्र फडणवीस उद्या महाराष्ट्राचे 18 वे मुख्यमंत्री म्हणून शपथ घेणार आहेत. आज त्यांची भाजप विधिमंडळ पक्षाच्या बैठकीत गटनेते म्हणून निवड झाली. यांच्या नावाला अंतिम मंजुरी देण्यात आली आहे. आता 5 डिसेंबर म्हणजे उद्या संध्याकाळी 5.30 वाजता मुंबईतील आझाद मैदानावर शपथविधी ते शपथ घेणार आहेत. फडणवीस तिसऱ्यांदा महाराष्ट्राच्या मुख्यमंत्रिपदाची शपथ घेणार असून, धक्कातंत्रातून नवा चेहरा देण्याच्या चर्चांना आता ब्रेक लागला आहे.