Sanjay Raut: "देवेंद्र फडणवीसांना उपचारांची गरज..."; खासदार संजय राऊतांची घणाघाती टीका

संजय राऊत पत्रकार परिषदेत म्हणाले, देवेंद्र फडणवीस बांगलादेश किंवा पाकिस्तानात जाऊन निवडणूक लढवत नाहीयत. हा महाराष्ट्र आहे. छत्रपती शिवाजी महाराज आहेत. ज्या मतदारांना भारतीय संविधानाने दिलेला मताचा अधिकार आहे. ते आपलं मत त्यांना वाटेल त्या उमेदवाराला किंवा पक्षाला देऊ शकतात. भारतीय जनता पक्षाच्या लोकांना संविधानाविषयी प्रेम नाही. ह्यांना संविधान बदलायचं आहे. तुम्ही मतदारांवर अशा पद्धतीने दबाव आणताय, गोंधळ निर्माण करतात. देवेंद्र फडणवीस म्हणतात धर्मयुद्ध..हे काय धर्मयुद्ध आहे का? असा सवालही राऊतांनी उपस्थित केला. 

हे ही वाचा >>Sushma Andhare: "बाळासाहेबांना खुनी म्हणणाऱ्या निलेश राणेंना...", सुषमा अंधारेंनी CM एकनाथ शिंदेंना सुनावलं

महाराष्ट्र धर्म वाचवण्यासाठी हे आमचं धर्मयुद्ध आहे. फडणवीस असं म्हणतायत आपण एक राहिलो तर पाकिस्तानवर तिरंग फडकवू. डोकं ठिकाणावर आहे का? पाकिस्तानवर तिरंगा फडकवण्याचं वगैरे सोडून द्या. गेल्या दहा वर्षापासून तुमचे नेते पाकव्याप्त काश्मीर घेतायत ना...तिथे जरा तिरंगा फडकवून दाखवा. मणिपूरला जाऊन तिरंगा फडकवून दाखवा. फडणवीस आपण लालकिल्ल्यावर तिरंगा फडकवायला गेला होता. मणिपूरला जाऊन तिरंगा फडकवा. लडाखमध्ये पेग्वॉन लेकच्या इथे चीन घुसलेला आहे, तिथे चीनव्याप्त भूमीवर सुद्धा तिरंगा फडकवा, असं थेट आव्हान संजय राऊत यांनी देवेंद्र फडणवीस यांना केलं आहे.

हे ही वाचा >> Gold Rate Today : लग्नसराईच्या धामधुमीत सोन्याचे दर प्रचंड घसरले! आजचा 24 कॅरेटचा भाव किती?