कोरोनाच्या वाढत्या प्रादुर्भावामुळे नाशिक साहित्य संमेलन स्थगित

परंतू गेल्या काही दिवसांपासून कोरोनाने पुन्हा एकदा डोकं वर काढलं असून रुग्णसंख्येत झपाट्याने वाढ होते आहे. नाशिकमध्येही कोरोनाग्रस्त रुग्णांची संख्या वाढते आहे. अशा परिस्थितीत संमेलनासाठी येणारे साहित्यीक व बाहेरगावातून येणाऱ्या साहित्यप्रेमींच्या आरोग्याचा विचार करत महामंडळाने संमेलनाचे स्वागताध्यक्ष छगन भुजबळ यांच्याशी चर्चा करुन संमेलन स्थगित करण्याचा निर्णय घेतला आहे.

कोरोना ही नैसर्गिक आपत्ती आहे. सध्या या परिस्थितीवर कोणाचेही नियंत्रण नाही. त्यामुळे कोरोनाची परिस्थिती नियंत्रणात आल्यानंतर चर्चा करुन संमेलनाबद्दल योग्य तो निर्णय घेतला जाईल अशी माहिती महामंडळाचे अध्यक्ष कौतिकराव ठाले पाटील यांनी दिली. याचसोबत संमेलनाचे अध्यक्ष, मावळते अध्यक्ष व साहित्यीकांबद्दल घेतलेल्या निर्णयांमध्ये कोणताही बदल करण्यात येणार नसल्याचंही महामंडळाने स्पष्ट केलंय.