व्यक्तीने लाकडापासून बनवली treadmill; आनंद महिंद्रा म्हणाले, ‘मलाही एक हवी’

लाकडापासून बनवलेली ही ट्रेडमिल तेलंगणातील व्यक्तीने बनवली असल्याची माहिती आहे. मात्र, त्या व्यक्तीबद्दल अद्याप कोणतीही माहिती समोर आलेली नाही. मात्र, ४५ सेकंदाचा हा व्हिडीओ सोशल मीडियावर प्रचंड व्हायरल झाला असून, अनेकांनी याबद्दल या व्यक्तीचं कौतुक केलं आहे.

लाकडी ट्रेडमिल तयार करतानाचा व्हिडीओ आनंद महिंद्रांनी ट्विट केला आहे. हा व्हिडीओ ट्विट करताना आनंद महिंद्रांनी म्हटलं आहे की, “एक कमोडिटी बनलेलं जग, मशिन्स उर्जेच्या भूकेल्या आहेत. अशा काळात अशा पद्धतीच्या कौशल्यासाठीचं वेड, तास न् तास त्यात स्वतःला झोकून देऊन बनवलेली ही ट्रेडमिल ही फक्त ट्रेडमिल नाही. तर याला कला बनवते. मलाही असं एक हवं आहे.”

लाकडापासून बनवण्यात आलेल्या ट्रेडमिलसाठी विजेची गरज नाही. त्यावरून चालताना ती आपोआप फिरते. त्यामुळे विजेच्या खर्चाची बचत होऊन आरोग्याच्या दृष्टीनंही हे फायद्याचं असल्याचं बोललं जात आहे.