Beed : "न्याय मिळेपर्यंत लढणार, डेड बॉडी परत आली तरी चालेल", मृत महादेव मुंडेंच्या पत्नीचं आजपासून आमरण उपोषण

हे ही वाचा >>Ajit Pawar : "तुम्हाला खुर्ची वाचवता आली नाही, त्याला मी काय करू?" भर पत्रकार परिषदेत दादांचा शिंदेंना टोला

महादेव मुंडे प्रकरणात तपासाला गती मिळत नाही, मी आता मागे हटणार नाही, भले माझी डेडबॉडी परळीला येईल असं मृत महादेव मुंडे यांच्या पत्नी ज्ञानेश्वरी मुंडे म्हणाल्या. आजपासून बीड जिल्हाधिकारी कार्यालयासमोर आमरण उपोषणला बसणार आहेत. लवकरात लवकर  आरोपींना अटक करून न्याय द्यावा अशी मागणी करण्यात आली आहे. 21 ऑक्टोबर 2023 रोजी परळी तहसील कार्यालय परिसरात महादेव मुंडे यांची निर्घुण हत्या करण्यात आली होती. 

महादेव मुंडे यांच्या हत्या प्रकरणाला जवळपास दीड वर्ष होत असताना देखील यातील आरोपी अटकेत नाहीत. हे प्रकरण भाजप आमदार सुरेश धस यांनी पुन्हा समोर आणलं. त्या नंतर या प्रकरणाची फाईल री ओपन झाली आहे. आज सर्व कुटुंब बीड ला आमरण उपोषण करण्यासाठी जात आहे.  

हे ही वाचा >>Thane : 15 वर्षांपासून होतं रिलेशन, तरूणाने लग्न करण्यास नकार दिला, लग्न केल्यानंतरही ठेवत होता संबंध, तरूणीने शेवटी...

दरम्यान, काही दिवसांपू्र्वी राष्ट्रवादी शरद पवार पक्षाच्या नेत्या सुप्रिया सुळे यांनीही महादेव मुंडे यांच्या कुटुंबाला भेट दिली होती. त्यावेळी त्यांनी आपण या प्रकरणात न्याय मिळवून देण्यासाठी प्रयत्न करणार आहे.