महाराष्ट्रात दिवसभरात 51 हजारांपेक्षा जास्त कोरोना रूग्णांची नोंद, 258 मृत्यू

पुढच्या पंधरा दिवसात आरोग्यसेवांवर सर्वाधिक ताण पडण्याची चिन्हं- अजित पवार

सध्या राज्यात 32 लाख 75 हजार 224 व्यक्ती होम क्वारंटाईन आहेत. तर 29 हजार 399 संस्थात्मक क्वारंटाईन आहेत. आज घडीला राज्यात 5 लाख 64 हजार 746 अॅक्टिव्ह केसेस आहेत.

महाराष्ट्रातील प्रमुख जिल्हे आणि त्यातील अॅक्टिव्ह रूग्ण

मुंबई- 89 हजार 125

ठाणे-75 हजार 683

पुणे- 1 लाख 10 हजार

सातारा-7 हजार 837

नाशिक-37 हजार 760

अहमदनगर- 13 हजार 107

औरंगाबाद- 15 हजार 542

नागपूर- 59 हजार 756

अॅक्टिव्ह रूग्णसंख्येची प्रमुख जिल्ह्यांमधली संख्या पाहिली की लक्षात येतं की सर्वाधिक सक्रिय रूग्ण पुण्यात आहेत. पुण्यात 1 लाखांपेक्षा जास्त आहेत. तर मुंबईत 89 हजारांपेक्षा जास्त सक्रिय रूग्ण आहेत. त्या खालोखाल ठाण्यात 75 हजारांपेक्षा जास्त सक्रिय रूग्ण आहेत.

महाराष्ट्रात Lockdown शिवाय आता पर्याय नाही, टास्क फोर्सचंही हेच मत -राजेश टोपे

राज्यात दिवसभरात 51 हजार 751 नव्या रूग्णांची नोंद झाली आहे. राज्यातील कोरोना रूग्णांची संख्या आता 34 लाख 58 हजार 996 इतकी झाली आहे. आज महाराष्ट्रात 258 कोरोना रूग्णांच्या मृत्यूंची नोंद झाली आहे. यापैकी 169 मृत्यू हे मागील 48 तासांमधले आहेत. तर 59 मृत्यू हे मागील आठवड्यातील आहेत. तर 30 मृत्यू हे एक आठवड्यापेक्षा जास्त कालावधीतले आहेत.