मुंबईत Corona चा कहर दिवसभरात ८ हजारांपेक्षा जास्त रूग्ण पॉझिटिव्ह

मुंबईत लॉकडाऊन होणार का? BMC आयुक्त चहल यांची Exclusive मुलाखत

बृहन्मुंबई महानगरपालिका क्षेत्रात देखील कोरोना बाधितांची संख्या मागील काही दिवसांपासून वाढते आहे. या बाधितांमध्ये लक्षणे नसलेल्या बाधितांची व सौम्य लक्षणं असलेल्यांची संख्या मोठ्या प्रमाणावर आहे. त्यांना बहुतांशी घरी विलगीकरण करुन औषधोपचार दिले जातात. त्याआधारे ते पूर्णपणे बरे देखील होतात. गृह विलगीकरणात असलेल्या अशा प्रकारच्या बाधितांची लक्षणीय संख्या पाहता संबंधित रुग्ण, त्यांचे नातेवाईक यासह वैद्यकीय मंडळी आणि रुग्णशय्यांचे व्यवस्थापन करण्यात महत्त्वाची भूमिका बजावणारे वॉर्ड वॉर रुम यांच्यासाठी महानगरपालिकेच्या सार्वजनिक आरोग्य खात्याने विविध सूचना समाविष्ट असलेले सुधारीत परिपत्रक लागू केले आहे.

गृह विलगीकरणासाठी पात्रतेचे निकष निश्चित करण्यात आले आहेत. यामध्ये जे रुग्ण कोविड चाचणी केल्यानंतर बाधित आढळले आहेत, अशा रुग्णांना घरी विलगीकरण करता येवू शकते. त्यासाठी

(१) लक्षणे नसलेले बाधित (असिम्प्टोमॅटिक)

(२) सौम्य लक्षणं असलेले (म्हणजे ज्यांना सहव्याधी नाहीत, ताप १०० फॅरनहाईटपेक्षा कमी आहे, ऑक्सिजन पातळी ९५ पेक्षा अधिक आहे व इतर सामान्य निकष)

(३) प्रौढ व सहव्याधी असलेले असे रुग्ण ज्यांच्यामध्ये कोणतीही लक्षणं आढळत नाहीत, त्यांची केंद्र सरकारच्या मार्गदर्शक सूचनांनुसार तपासणी केल्यानंतर वैद्यकीय अधिकारी व नियमित कौटुंबिक चिकित्सक यांच्या एकत्रित सल्ल्याने विलगीकरण करता येऊ शकेल.

नाईट कर्फ्यूच्या नावाखाली हॉटेल्स बंद करणं हा अन्याय, संजय निरूपम यांची ठाकरे सरकारवर टीका

आजच मुंबईतील काही रेस्तराँ आणि हॉटेल मालकांनी ओशिवारा या ठिकाणी आंदोलन केलं. या आंदोलनात त्यांनी रात्रीच्या संचारबंदीला कडाडून विरोध केला आहे. या काळात आम्ही आमचा व्यवसाय बंद ठेवला तर आम्ही कसं जगायचं असाही प्रश्न त्यांनी विचारला आहे. या आंदोलनात संजय निरूपम यांनी सहभाग घेतला होता. हॉटेल्स आणि रेस्तराँ बंद करण्यावरून संजय निरूपम यांनी ठाकरे सरकारवर टीका केली.