Navi Mumbai विमानतळाला छत्रपती शिवाजी महाराजांचंच नाव राहणार- राज ठाकरे

छत्रपती शिवाजी महाराज ही आपली ओळख आहे. नवी मुंबई विमानतळ हे मुंबई विमातळचं एक्स्टेंशन आहे ते स्वतंत्र विमानतळ नाही असंही राज ठाकरेंनी म्हटलं आहे. त्यामुळे त्या विमानतळाला वेगळं नाव देण्याचा प्रश्नच उद्भवत नाही असंही राज ठाकरे यांनी म्हटलं आहे.

Navi Mumbai Airport: नवी मुंबई आंतरराष्ट्रीय विमानतळाच्या नावावरुन भाजप-शिवसेना आमनेसामने… नेमकं प्रकरण काय?

सुमारे 900 हेक्टर जमीन संपादित करून तब्बल सोळा हजार रुपये खर्चून नवी मुंबई आंतरराष्ट्रीय विमानतळ (Navi Mumbai indternational Airport) प्रस्तावित निर्मिती सिडको (Cidco) व शासनामार्फत होत आहे. या विमानतळाला शिवसेना प्रमुख स्वर्गीय बाळासाहेब ठाकरे (Balasaheb Thackeray) यांचे नाव देण्यास विरोध करत ठाणे बेलापूर रस्त्यावर हजारो भूमिपुत्र व शहरातील नागरिकांनी मानवी साखळी अभिनव आंदोलन पुकारून या नावाला तीव्र विरोध केला. दरम्यान, यामुळे नवी मुंबईत शिवसेना आणि भाजप आमनेसामने आले आहेत.

दरम्यान आमदार प्रशांत ठाकूर यांनी आज मनसे अध्यक्ष राज ठाकरे यांची भेट घेतली. त्यानंतर मनसे अध्यक्ष यांनी पत्रकारांशी संवाद साधला. नवी मुंबईच्या विमानतळाच्या नामांतराबद्दल त्यांची चर्चा झाली. ज्यानंतर राज ठाकरे यांनी पत्रकार परिषद घेऊन हे विमानतळ स्वतंत्र नाही तर मुंबई विमानतळाचाच एक भाग आहे असं सांगितलं. तसंच या विमानतळाला छत्रपती शिवाजी महाराजांचं नाव असणार आहे. ठाकूर यांना जेव्हा हा विषय मी सांगितला तेव्हा ते म्हणाले की आमच्याकडून कोणताही वाद आता असणार नाही. असंही राज यांनी म्हटलं आहे.