देवेंद्र फडणवीस यांनी पोलीस बदल्यांबाबत केलेलं वक्तव्य दिशाभूल करणारं-नवाब मलिक

महाराष्ट्राचं गृहखातं कोण चालवतं? अनिल देशमुख की अनिल परब?-फडणवीस

नवाब मलिक काय म्हणाले?

जी नावं देवेंद्र फडणवीस सांगत आहेत ती चुकीची आहेत. जनतेची ते दिशाभूल करत आहेत. रश्मी शुक्ला यांनी जो अहवाल सादर केला होता त्यात त्यांनी असं म्हटलं होतं की संदीप बिष्णोई यांच्या बदलीसाठी देवाण-घेवाण झाली होती तशी कोणतीही बदली झाली नाही. ना गृहखात्याने त्या संदर्भातली शिफारस केली होती. बिपुल कुमार सिंग अप्पर पोलीस महासंचालक यांची बदली करण्याचं डील झालं आहे ती पण बदली त्या पद्धतीने झालेली नाही.

जो अहवाल ते सांगत आहेत माहिती देत आहेत त्यामागे फक्त महाविकास आघाडी सरकारला बदनाम करण्याचा कट आहे. रश्मी शुक्ला यांनी कोणतीही परवानगी न घेता फोन टॅप केले. राज्यात सरकार स्थापनेच्या काळातही रश्मी शुक्ला या अनेक नेत्यांचे फोन टॅप करत होत्या. पोलीस अधिकाऱ्यांच्या बदली घोटाळ्याबाबत देवेंद्र फडणवीस हे ज्या अहवालाचा दाखला देत आहेत त्यातील ८० टक्के बदल्या त्या पद्धतीने झालेल्याच नाहीत असंही नवाब मलिक यांनी म्हटलं आहे.