Pimpri Chinchwad Crime News : लिफ्टमधल्या रक्ताच्या डागांमुळे हत्येचा कट उघड, प्रेयसीनेच केला घात

पोलिसांच्या माहितीनुसार, प्रेयसी रेखा आणि तिचा बॉयफ्रेंड बालाजीमध्ये नेहमीच वाद होत असत. बालाजी रेखाला मानसिक त्रास देत होता. या समस्येला कंटाळून रेखाने बालाजीला मारण्याचा प्लॅन आखला. रेखा राहत असलेल्या घरात बालाजीला बोलावण्यात आलं. दिनेश उपाडे, आदित्य शिंदे आणि इतर तिघांनी बालाजीच्या पायावर आणि डोक्यावर लोखंडी रॉडने बेदम मारहाण केली. त्यानंतर गंभीर जखमी झालेल्या बालाजीला रिक्षाने महानगरपालिकेच्या वायसीएम रुग्णालयात नेण्यात आलं.

हे ही वाचा >> Walmik Karad : वाल्मिकला ज्या स्कॉर्पिओने CID ऑफिसला सोडलं, ती 30 तारखेला बीडमधूनच निघाली? CCTV ने खळबळ

मारहाणीत जखमी झालेला बालाजी वेदनेने अक्षरश: तडफडत होता. रक्ताने माखलेल्या बालाजीला रुग्णालयात  नेतानाचा सीसीटीव्हीही समोर आला आहे. सीसीटीव्हीवरून हे स्पष्ट होतंय की, आरोपींनी हा अपघात असल्याचा डाव रचला आणि दिशाभूल  करण्यासाठी रुग्णालयात खोटी नावं दिली. दरम्यान, उपचार मिळण्यापूर्वीच बालाजीचा मृत्यू झाला. हे प्रकरण पोलिसांपर्यंत पोहोचलं. पोलिसांनी सीसीटीव्हीही तपासले. ज्या बालाजीची हत्या झाली होती, त्याला रिक्षातून आणलं जात होतं. तीच रिक्षा चिखलीच्या दुर्वांकुर सोसायटीमधून निघालेली दिसली.

पोलीस तिथे पोहोचले असता, लिफ्टमध्ये काही रक्ताचे डागही आढळले. पोलिसांना घातपाताचा संशय आला. खोली क्रमांक 303 वर पोहोचताच, आरोपी रेखाची 16 वर्षांची अल्पवयीन मुलगी दिसली. तिला जेव्हा बालाजीचा फोटो दाखवण्यात आला आणि ओळख विचारली, तेव्हा अल्पवयीन मुलीने संपूर्ण घटना सांगितली. 

हे ही वाचा >> Walmik Karad : वाल्मिक कराडची माघार, खंडणी प्रकरणातील जामीन अर्ज मागे घेतला, कारण काय?

दरम्यान, या प्रकरणी पोलिसांनी तिघांना अटक केली आहे. इतर तिघांचा शोध घेण्यासाठी पोलिसांचं पथक बीडला रवाना झालं आहे. मानसिक ताणामुळे प्रेयसीने प्रियकराची हत्या केल्याची कबुली प्रेयसीने पोलिसांना दिली आहे. ही माहिती सहाय्यक पोलीस निरीक्षक हरीश माने यांनी दिली आहे.