UP election : गोव्यानंतर आदित्य ठाकरेंची उत्तर प्रदेश निवडणुकीच्या प्रचारात उडी

देशातील पाच राज्यात विधानसभा निवडणुका होत असून, गोवा, पंजाब, उत्तराखंडमध्ये मतदान पार पडलं असून, आता उत्तर प्रदेश आणि मणिपूर विधानसभेसाठी मतदान व्हायचं बाकी आहे. उत्तर प्रदेशात सात टप्प्यात मतदान होत असून, तीन टप्प्यात मतदान झालं आहे. तर उर्वरित टप्प्याचं मतदान शिल्लक आहे.

पर्यावरण मंत्री आदित्य ठाकरे हातात दोन घड्याळं का घालतात माहित आहे का?

दरम्यान, शिवसेनेनं आता उत्तर प्रदेश विधानसभा निवडणुकीकडे लक्ष वळवलं आहे. गोवा विधानसभा निवडणुकीच्या प्रचारात उतरलेले पर्यटनमंत्री आदित्य ठाकरे आता उत्तर प्रदेशातील शिवसेना उमेदवारांच्या प्रचारार्थ सभा घेणार आहे. शिवसेनेचे मुख्य प्रवक्ते तथा खासदार संजय राऊत यांनी याबद्दलची माहिती दिली आहे.

येत्या २४ फेब्रवारी रोजी आदित्य ठाकरे गोरखपूर जवळील डोमरियागंज मध्ये सकाळी १०:३० वाजता प्रचार सभा घेणार आहेत. त्याचबरोबर प्रयागराज जवळील कोरोन येथे संध्याकाळी ५:३० वाजता आदित्य ठाकरेंची प्रचार सभा होणार आहे.

नितेश राणे आणि आदित्य ठाकरे यांच्यातला संघर्ष
नेमका कधी आणि कसा सुरू झाला?

उद्या चौथ्या टप्प्यातील मतदान

उत्तर प्रदेशात सात टप्प्यांत मतदान होत असून, चार टप्पे बाकी आहेत. उर्वरित चार टप्प्यापैंकी चौथ्या टप्प्यातील मतदान २३ फेब्रुवारी रोजी होतं आहे. त्यानंतर पाचव्या टप्प्यातील मतदान २७ रोजी, सहाव्या टप्प्यातील मतदान ३ मार्च रोजी, सातव्या टप्प्यातील मतदान ७ मार्च रोजी होणार आहे. त्यानंतर दहा मार्च रोजी पाचही राज्यातील विधानसभा निवडणुकीचे निकाल घोषित केले जाणार आहेत.