Vijay Shivtare: 'हा नालायक, उर्मट... त्यांचा भाऊही म्हणाला..' अजित पवारांवर शिवतारेंची जहरी टीका

'जे मी बोललो की, हा नालायक आहे, उर्मट आहे.. त्यांचे स्वत:चे बंधू सुद्धा आज तेच बोलले.. ही जगजाहीर आहे ना गोष्ट..' असं म्हणत विजय शिवतारे यांनी अजित पवारांवर जोरदार हल्ला चढवला. 

CM शिंदेंच्या भेटीनंतरही विजय शिवतारे आक्रमक, पार्थ पवारांच्या पराभवावरूनही अजितदादांना डिवचलं!

'आपल्याला आठवत असेल.. अजित पवार मला म्हणाले होते. तुझा आवाका किती, तू बोलतोयेस कोणाबद्दल... तू करतोयस काय.. तुला बघतोच..' 

'त्याला माझा आवाका किती हे आता माहीत पडेल ना. धमकी का देतोय महायुतीच्या इतर लोकांना.. का मी सगळीकडे उमेदवार उभे करीन आणि काय करेन ते.. या धमक्या का देतोय अजित पवार?'

'माझा आवाका किती.. हे अजित पवार बोलले होते. अख्ख्या महाराष्ट्राने ऐकलं आहे. आता माझा आवाका काहीच नाही. मी छोटा माणूस आहे.. एवढा घाबरतो कशाला? महाराष्ट्राच्या जनतेसमोर अजितदादा बोलले होते. मला देखील महाराष्ट्रासमोरच बोलावं लागेल. त्यांनी माझा आवाका काढला होता. 'तुझी लायकी किती..' असं म्हणाले होते..' 

'एवढी घमंड होती ना.. आता एवढा तडफडतोय कशासाठी? इकडे बोला, तिकडे बोला.. मी दंड थोपटलं ते राजकीय नाही.. तर मी दंड थोपटले आहे ते राजकीय अपप्रवृत्ती संपविण्यासाठी.. माझं वैयक्तिक काही नाही..' 

'तुम्ही बारामतीकरांना पण फसवलंय आणि इतर पाच मतदारसंघांना पण फसवलंय. ही गोष्ट सगळ्यांच्या लक्षात आलीए. पण आवाज कोण उठवणार? आवाज उठवणारा एक माणूस विजय शिवतारेच्या रुपाने मिळाला आहे.' 

'मी भाईंच्या शब्दाच्या पुढे नाही.. कारण आमचा नेता.. खूप खालून आलेला नेता आहे.. पण त्यासोबत मी हे देखील सांगतो आहे पुन्हा-पुन्हा की, अपप्रवृत्ती संपविण्याचा नामी योग आला आहे. धमक्या का देत आहेत अजित पवार?'