'राहू-केतू काय डोक्यात आला आणि फॉर्मवर 10 लाख लिहिले...', पाहा दीनानाथ हॉस्पिटलचे डीन असं का म्हणाले

डॉक्टर त्यावर लिहितात की पेशंटचं नाव, त्याला कोण डॉक्टर ऑपरेट करणार आहेत, खर्च किती होईल. डिपॉझिट लिहायची पद्धतच नाहीए. परंतु काही कारणाने त्यादिवशी.. राहू-केतू काय डोक्यात आला आणि डॉक्टर घैसासांनी एक चौकोन करून त्यात 10 लाख रुपये डिपॉझिट लिहिलं. ही गोष्ट खरी आहे.. असं कोणीही लिहित नाही. यांच्यापैकी इथे कोणालाही विचारू शकतात. मी इथे रोज साधारणपणे 10 शस्त्रक्रिया करतो. आजवर किती केल्या असतील.. अगणित केल्या असतील. पण आजवर एकाही पेशंटला असं काही लिहून दिलेलं नाही. 

यामुळे डिपॉझिट जर कोणाला घ्यायचं असेल तर बिलिंग डिपार्टमेंट डॉक्टरांशी बोलून आणि समजून घेऊन त्या रकमेपैकी किती रक्कम घ्यायची असं काही फक्त निवडक केसेसमध्ये ठरवतं.

हे ही वाचा>> Pune: दीनानाथ रुग्णालयात 'त्या' दिवशी नेमकं घडलं तरी काय?, तनिषा भिसेंची संपूर्ण कहाणी जशीच्या तशी...

ह्या केसमध्ये तशा प्रकारचं डिपॉझिट डॉक्टरांशी बोलून त्यांनी पेशंटला काही तरी सांगितलं. अशी माहिती धनंजय केळकर यांनी यावेळी पत्रकारांशी बोलताना दिली. 

डीन धनंजय केळकर पत्रकार परिषद अर्धवट सोडून गेले?

दरम्यान, याच पत्रकार परिषद जेव्हा पत्रकारांनी डॉ. धनंजय केळकर यांना काही अडचणीत आणणारे प्रश्न विचारले तेव्हा मात्र, धनंजय केळकर यांनी काहीही उत्तरं देण्यास नकार दिला आणि पत्रकार परिषद अर्धवट सोडून निघून गेले.