Satish Wagh Murder Case: भाजप आमदाराच्या मामाचा मामीनेच घेतला जीव, मुलाच्याच मित्रासोबत होते अनैतिक संबंध

सतीश वाघ यांची पत्नी मोहिनी वाघ हिचे अक्षय जवळकर नावाच्या एका तरूणाशी अनैतिक संबंध होते. ज्यामध्ये पती सतीश वाघ हे अडसर ठरत होते. त्यामुळेच 5 लाख रुपयांची सुपारी देऊन सतीश वाघ यांना संपवण्याचा कट मोहिनी वाघ हिने रचला असल्याचं आता समोर आलं आहे. त्यामुळे सतीश वाघ यांच्या पत्नी मोहिनी वाघ याच या प्रकरणातील मुख्य सूत्रधार असल्याचं समोर आलं आहे. 

हे ही वाचा >>   Pune Crime News : पुण्यात दोन चिमुकल्या बहिणींचा खून, पाण्याच्या टाकीत सापडले मृतदेह, नागरिकांचा संताप

मोहिनी वाघ यांनी आपल्या मुलाच्या मित्रासोबतच अनैतिक संबंध ठेवले होते. अक्षय जवळकर हा सतीश वाघ यांच्या घरी भाडेकरू म्हणून राहत होता. या काळातच मोहिनी वाघ यांचे आणि अक्षयचे सूत जुळले. पुढे या संबंधांचं प्रेमात रुपांतर झालं आणि इथूनच सुरू झाले मोहिनी आणि अक्षय यांचे अनैतिक संबंध. या सर्व गोष्टींमध्ये सतीश वाघ हे अडसर ठरत होते, त्यामुळे मोहिनी वाघ यांनीच पाच लाख रुपये अक्षयला दिले आणि खून करण्याचं ठरवलं. 

हे ही वाचा >> Sambhajinagar Clerk Scam : कंत्राटी कर्मचाऱ्यानं संभाजीनगरमध्ये 21 कोटींचा घोटाळा कसा केला? नेमका काय झोल केला?

अक्षयने याप्रकरणाची सुपारी पवन आणि त्याचे साथीदार नवनाथ आणि विकास यांना दिली. अक्षय जवळकरने काही पैसे आरोपींना दिले तर काही पैसे बाकी होते अशी माहिती आहे.