Ajit Pawar : "...म्हणून मी गुलाबी जॅकेट घालायला लागलो", अजित पवारांनी सांगितलं कारण

अजित पवारांनी महाराष्ट्रात दौरे करायला सुरूवात केली आहे. वेगवेगळे कार्यक्रम पक्षाच्या वतीने आयोजित केले जात असून, या माध्यमातून सरकारच्या योजना पोहोचवण्याचे कामही केले जात आहे. विशेषतः महिला मतदारांवर लक्ष्य केंद्रीत केले जात असल्याचे दिसत असून, अजित पवार गुलाबी जॅकेटमध्ये दिसत आहेत.

गुलाबी जॅकेट अन् अजित पवार 

अचानक गुलाबी जॅकेट अजित पवारांच्या अंगावर दिसू लागल्याने त्याची चर्चा सुरू झाली. नव्या अंदाजात अजित पवार विधानसभेच्या प्रचारात उतरणार असेही म्हटले जात आहे. पण, हे गुलाबी जॅकेट कसे आले. याबद्दल अजित पवारांनी उत्तर दिले.

हेही वाचा >> 'राज्यातल्या जमिनी विकून पैसे देऊ का?', अजितदादा संतापले 

अहमदनगरमध्ये संवाद कार्यक्रम पार पडला. या कार्यक्रमात एका महिलेने अजित पवारांना प्रश्न विचारला. 

अजित पवारांना महिलेने काय प्रश्न विचारला?

"दादा, मागच्या एक महिन्यापासून तुम्ही पिंक कलरच्या जॅकेटमध्ये आम्हाला सर्वत्र दिसत आहात. असं का आणि पिंक कलर तुमचा आवडता कलर आहे का?"

हेही वाचा >> घर, मालमत्ता विकताना बसणार झटका!'हा' नियम बदलला

अजित पवारांनी सांगितलं, गुलाबी जॅकेट का घालतात?

"आम्ही सततच, आपण पण  वेगवेगळ्या साड्या नेसता, वेगवेगळे कपडे घालता. एखादी गोष्ट तुमच्या जवळच्या सगळ्यांनी ना, ही साडी तुम्हाला जास्त खुलून दिसते. तर तुम्ही सारखी सारखी तीच साडी घालता."

"तसं मला अनेकांनी, माझ्या सहकाऱ्यांनी सांगितलं की, हे जॅकेट जरा चांगलं दिसतं म्हणून मी घालायला लागलो", असे उत्तर अजित पवारांनी दिले. त्यावर सगळेच हसले.