IPL 2022 : नवीन संघाची सुरुवात शून्याने, पहिल्याच बॉलवर शमीने राहुलला बनवलं बकरा

यानिमीत्ताने लोकेश राहुलच्या सोबत एक अनोखा योगायोग जुळून आला. २०१६ साली लोकेश गुजरात लायन्स संघाविरुद्ध खेळताना शून्यावर आऊट झाला होता. यानंतर तब्बल पाच वर्षांनी लोकेश राहुल गुजरातच्या संघाविरुद्ध खेळताना शून्यावर माघारी परतला.

मोहम्मद शमीच्या बॉलिंगवर लोकेश राहुल आऊट असल्याचं अपील अंपायरने फेटाळून लावलं होतं. परंतू DRS मध्ये लोकेश राहुल आऊट असल्याचं कळताच गुजरातच्या खेळाडूंनी जल्लोष केला. यानिमीत्ताने लोकेश राहुलची आयपीएलमधली आणखी एक परंपरा खंडीत झाली. २०१८ पासून आयपीएलमध्ये धावांचा रतीब घालणारा लोकेश राहुल एकदाही शून्यावर आऊट झाला नव्हता. परंतू यंदाच्या हंगामात त्याच्यावर पहिल्याच सामन्यात ही वेळ ओढावली.

मोहम्मद शमीने गुजरात संघाकडून पहिला सामना खेळताना लोकेश राहुल, क्विंटन डी-कॉक आणि मनिष पांडेला पहिल्या पॉवरप्लेमध्ये आऊट करत संघाला चांगली सुरुवात करुन दिली.