Video : अफगाणिस्तानच्या खेळाडूने दाखवला मनाचा मोठेपणा, गरिबांची दिवाळी केली गोड

अफगाणिस्तानचा विकेटकिपर, फलंदाज रहमानुल्लाह गुरबाज (Rahmunullah Gurbaz) याने अहमदाबादच्या रस्त्यावर उरतून गरीबांची दिवाळी गोड केली आहे. गुरबाजने रस्त्यावर झोपलेल्या गरिबांच्या जवळ जाऊन त्यांना पैसै वाटले आहेत. जे गरीब झोपले होते त्यांच्या पुढयात त्याने पैसे ठेवले आहे. गुरबाजला या गोष्टीची पब्लिसीटी करायची नव्हती म्हणून तो रात्री 3 वाजचा एकटाच गेला होता.

हे ही वाचा : शारीरिक संबंधाला विरोध केल्याने संतापलेल्या बॉयफ्रेंडने प्रेयसीची केली हत्या, लोखंडी रॉडने….

गुरबाज जेव्हा या गरीबांजवळ पोहोचला तेव्हा ते सर्व गाढ झोपेत होते. फक्त एकच महिला जागी होती. जी व्हिडिओत गुरबाजच्या मागे फिरताना दिसतेय. यावेळी गुरबाजने झोपलेल्या गरीब लोकांच्या शेजारी 500-500 च्या नोटा ठेवल्या, आणि जागी असलेल्या महिलेच्या हातात पैसे दिले आणि नंतर शांतपणे गाडीतून निघून गेला होता.

यावेळी एका व्यक्तीने गुरबाजला ओळखले आणि त्याला पैसे वाटताना दुरूनच व्हिडीओ बनवला. यानंतर गुरबाज निघून गेल्यावर तो व्यक्ती गरीब लोकांच्या जवळ गेला आणि त्याने पाहिले झोपलेल्यांच्या शेजारी गुरबाजने पैसे ठेवले आहेत. गुरूबाजच्या या मदतीने आता या गरीबांची दिवाळी गोड झाली आहे. तर त्याचा हा व्हिडिओ सोशल मीडियावर मोठ्या प्रमाणात व्हायरल झाला आहे.

गुरबाजचा हा व्हिडिओ सध्या सोशल मीडियावर व्हायरल होत आहे. गुरबाजला भारतातही खूप पसंत केले जाते. अफगाणिस्तानचा सर्वात लोकप्रिय खेळाडू राशिद खान व्यतिरिक्त, गुरबाज देखील दरवर्षी किमान दोन महिने भारतात येत असतो.तो आयपीएलमध्ये गुजरात टायटन्ससाठीही क्रिकेट खेळला आहे, त्यावेळी अहमदाबाद त्याचे होम ग्राउंड होते. त्यामुळे गुरबाजचे अहमदाबादशीही खास नाते आहे.